Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
Міністэрства ўнутраных справаў Украіны распачало крымінальную вытворчасьць па факце ўдзелу народных дэпутатаў Вярхоўнай Рады ў паседжаньні Дзяржаўнай Думы Расеі. Пра гэта на брыфінгу заявіў дарадца міністра ўнутраных справаў Заран Шкірак, перадае карэспандэнт РБК-Україна. “Па факце ўдзелу народных дэпутатаў у паседжаньні Дзяржаўнай Думы Галоўнае сьледчае ўпраўленьне МУС адкрыла крымінальную вытворчасьць”, — паведаміў Шкірак. Па ягоных словах, крымінальная вытворчасьць адкрытая па ч. 2 арт. 110 КК Украіны (замах на тэрытарыяльную цэласнасьць і недатыкальнасьць Украіны прадстаўнікамі ўлады). Паводле дадзеных крыніцы, некаторыя дэпутаты з групы “За мір і стабільнасьць” падчас візыту ў Маскву сустракаліся з апальным украінскім бізнэсоўцам Сяргеем Курчанкам, які зьяўляецца адным з спонсараў гэтага палітычнага аб’яднаньня ў Радзе. Зазначым, што 23 верасьня спікер Рады Аляксандр Турчынаў унёс на разгляд украінскага парляманту праект пастановы адносна пазбаўленьня гэтых дэпутатаў права на ўдзел у пленарных паседжаньнях і заробку за дні няўдзелу ў працы камітэтаў, камісій і фракцый Рады. 25.09.2014 Камэнтар перакладчыкаў: Нагадаем таксама, што ў 1993-1994 гадах неаднаразова езьдзіў у расейскую Думу, дэпутат Вярхоўнага Савета Беларусі А. Лукашэнка, дзе яму давалі слова выступіць з антыбеларускай прамовай. Ён вышаў сухім з выды, бо камуністычная бальшыня Вярхоўнага Савета абараняла ворагаў Беларусі. 1/10/2014 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
