Bielarus.net Навіны // Аналітыка // Курапаты // Форум
be pl en
Беларуская Салідарнасьць
Bielarus.net
Плятформа «Беларуская Салідарнасць»

Market Garden

Роўна семдзесят гадоў таму распачалася ваенная апэрацыя, якая мела на мэце канчатковы разгром гітлерскай Нямеччыны і заканчэньне вайны да калядных сьвятаў. Распрацаваная брытанскім маршалам Мантгомэры, апэрацыя “Маркэт Гардэн” (англ. – “Гарод”) была праведзена ў асноўным на тэрыторыі Нідэрляндаў. Але некаторыя авангардныя аддзелы ўпершыню ўварваліся былі на тэрыторыю Нямеччыны. Першы яе этап – “Маркэт” – заключаўся ў перакідваньні вялікіх аддзелаў паветрана-дэсантных войскаў зь Вялікай Брытаніі і дэсантаваньне іх ў Нідэрляндах, у тыле нямецкай арміі. Другі этап – “Гардэн” – азначаў імклівы маршкідок бранетанкавых і пяхотных войскаў праз Нідэрлянды, прарыў і захоп Рурскага басэйну, самай індустрыяльнай зоны Нямеччыны. Парашутысты павінны былі захапіць масты на Рэйне і ўтрымліваць іх да падыходу асноўных сілаў. План быў амбітны і, безумоўна, вельмі рызыкоўны.

Раніцай 17 верасьня 1944 года неба над Англіяй пачарнела ад самалётаў. Гул матораў быў настолькі магутны, што людзі на вуліцах ня чулі адзін аднаго, а ў касьцёлах спыніліся багаслужбы, бо не чуваць было арганаў. У Бэльгіі брытанскія і амэрыканскія танкі прарвалі нямецкую абарону на канале Альбэрта і пачалі імкліва наступаць па дарогах. Немцы былі агаломшаныя першай хваляй паветаранага дэсанту. Парашутысты захапілі большасьць вызначаных мастоў і пачалі адбіваць нямецкія атакі. Асноўныя баі разгарнуліся ў раёнах Арнхэма, Нэймэгэна і Эйндховэна.

І ўсё ж самалётаў і планераў было недастаткова. Таму дэсант давялося праводзіць у тры дні, і гэта зьнізіла яго эфэктыўнасьць. Быў страчаны момант раптоўнасьці. Як успаміналі беларускія вэтэраны бітвы, “па нас стралялі, як па курапатках”. Асобная паветрана-дэсантная брыгада Войска Польскага (шмат беларускіх жаўнераў і афіцэраў) павінна была высадзіцца 19 верасьня. Але з прычыны туману высадзіцца ўдалося толькі 21 верасьня – у раёне Дрыля, каб адразу ўступіць у бой дзеля падтрымкі брытанскіх дэсантнікаў, якія трымаліся там з апошніх сілаў. Але ў той жа дзень немцам удалося зноў захапіць у брытанцаў мост у Арнхэме, што паставіла пад пагрозу ўсю апэрацыю. Нямецкае камандваньне здолела сканцэнтраваць танкавыя часткі СС і кінуць іх на дэсантнікаў, якія мелі толькі лёгкую зброю. Пачаліся цяжкасьці на ўсіх участках бітвы, бо немцы атакавалі ўсе дарогі, па якіх наступалі хаўрусьнікі. Урэшце немцы прарвалі абарону амэрыканскіх дэсантнікаў на флангах, пачалася дэзарганізацыя баявых парадкаў. Уноч на 26 верасьня, на дзесяты дзень бесперапынных баёў, войскі атрымалі загад на адступленьне. Упершыню за ўсю вайну было загадана ня браць з сабой параненых, настолькі вялікай была рызыка поўнага акружэньня і зьнішчэньня частак. Апэрацыя скончылася няўдачай і посьпехам гітлерцаў. Але гэта была часовая тактычная перамога нямецкіх войскаў. Наперадзе быў разгром Нямеччыны і вызваленьне Эўропы. Нашым гісторыкам яшчэ давядзецца вярнуць гераічную главу “Бітва за Нідэрлянды” у Кнігу Гісторыі Беларусі.

Валеры Буйвал

21/9/2014 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Верасень 2014
П А С Ч П С Н
« Жні   Кас »
1234567
891011121314
15161718192021
22232425262728
2930  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ

Народная Перамога

[ Усе сябры ]




Лічыльнік:


Беларуская Салідарнасьць // Усе правы абароненыя // 2000—2023
Сувязь