Bielarus.net Навіны // Аналітыка // Курапаты // Форум
be pl en
Беларуская Салідарнасьць
Bielarus.net
Плятформа «Беларуская Салідарнасць»

Кастра – султан з Карыбаў

Непадзельны валадар Кубы на працягу 55 гадоў жыве ў раскошы, аточаны жалезным колам аховы. Ён мае прыватныя выспу, флёт, некалькі дзясяткаў рэзыдэнцый, шпіталь і дэльфінарый.

Інфармацыі пра Фідэля Кастра часам пранікалі ў публічную інфармацыйную прастору, калі з выспы ўцякалі ягоныя супрацоўнікі. Але сьведчаньне Хуана Рэйнальда Санчэса “Сакрэтнае жыцьцё Фідэля Кастра” – выключнае. Аўтар 17 гадоў належаў да надзейных ахоўнікаў дыктатара.

Я правёў зь ім значна больш часу, чым з уласнай сям’ёй, — кажа Санчэс журналістам ВВС. – Гэта была нялёгкая праца, бо Кастра жыве з пачуцьцем пагрозы. Ягоная асабістая служба бясьпекі адна зь найлепшых у сьвеце, яна складаецца зь некалькіх колаў аховы.

Кніга была напісана разам з журналістам французкага “L’Express” Аксэлям Гільдэнам і дэманструе Фідэля як тырана, што купаецца ў раскошы і трактуе краіну як сваю ўласнасьць; бліжэйшых сямейнікаў як прыслугу, а кубінцаў як рабоў. Нямногія людзі ў сьвеце маюць прыватныя флёт, выспу, шпіталь і рэстаран на вадзе, паляўнічыя тэрыторыі, дэльфінарый, некалькі дзесяткаў люксусных рэзыдэнцый і сотні людзей, якія ўвесь час ахоўваюць валадараньні. – распавядае Санчэс.
Уся гэтая раскоша ахутана таямніцай.

Ахова адганяе баракуд

Санчэс скончыў элітную вышэйшую акадэмію контрвыведкі МУС імя Элісеа Рэеса Радрыгеса і даслужыўся да званьня палкоўніка. На працягу некалькіх гадоў ён ні на крок не адступаў ад дыктатара. Ён павінен быў здымаць пробу зь вінаў і ежы перад тым, як Кастра іх спажываў, а таксама распакоўваць падарункі і пасылкі, бо апасаліся атруты і тэрактаў. Калі Кастра займаўся паляваньнем з падводным ружжом, ахоўнікі круціліся вакол яго, адганяючы акул і баракуд.

Пры дыктатары ўвесь час знаходзіцца мінімальна дзесяць ахоўнікаў, пры чым двое зь іх маюць ягоную групу крыві (на выпадак неабходнасьці пераліваньня). На сушы ён езьдзіць калёнай браніраваных мэрсэдэсаў, заўсёды з зараджаным пісталетам.

Кубінскі рэжым з пыхай сьцьвярджае, што сарваў больш за 600 пакушэньняў на жыцьцё Кастра, запланаваных ЦРУ і іншымі сакрэтнымі службамі і эмігрантамі. На думку Санчэса, гэтыя падлікі перабольшаныя. “Пагрозу” накручвае сама бясьпека, імкнучыся захаваць уладу і прывілеі. – Але лічба ад 100 да 200 пакушэньняў ёсьць верагоднай. – кажа ён.

Кастра загадвае запісваць на відэа усе свае афіцыйныя і прыватныя размовы, нават з людзьмі, што карыстаюцца выключным даверам, а ахоўнікам загадвае рабіць нататкі.

Мільянэр без маёмасьці

За заслонай хаваецца сатрап, які мае ўсё, чаго душа прагне. Ён асабіста кіруе гіганцкай маёмасьцю, нерухомасьцю і рахункамі ў валюце на дзесяткі мільёнаў даляраў, хаця на ягонае імя нічога не запісана. Калі Куба паслала войскі на грамадзянскую вайну ў Анголу, Кастра атрымліваў ангольскія брыльянты ў скрынках з-пад цыгар “каіба”. Ён загадваў прадаваць іх надзейнаму агенту, а грошы пераводзіць на замежныя рахункі.

Калі ў 2006 г. месячнік “Forbes” уключыў яго ў сьпіс дзесяці найбагацейшых людзей сьвету, рэжым заявіў, што ён жыве сьціпла і зарабляе 36 даляраў у месяц. Хуан Санчэс пацьвярджае, што нішто не павінна фармальна быць ягонай прыватнай уласнасьцю, бо яно зьяўляецца дзяржаўнай уласнасьцю, а ёю Кастра распараджаецца, як хоча.

У адкрытым моры непадалёк ад Затокі Свіньняў ён мае прыватную выспу Каё П’едра, дзе праводзіць месяц у год. Туды яго перапраўляе адна зь пяці раскошных яхт. Перад выбранымі гасьцямі і сям’ёй ён не хавае свайго захапленьня раскошай. На фараонскіх вакацыях і банкетах ён прымаў сярод іншых мэдыйнага магната з ЗША Тэда Цёрнэра, нядаўна памерлага ляўрэата Нобэлеўскай прэміі Габрыэля Гарсія Маркэса і былога кіраўніка ГДР Эрыха Хонэкэра.

Каханкі і какаін

На публіцы Фідэль Кастра іскрыцца гумарам, падкупляе суразмоўцаў сьціпласьцю і сардэчнасьцю. У прыватным жыцьці ён сухі, халодны, уладарны.

Я ніколі ня бачыў, каб ён цалаваў сваіх дзяцей. А абедзьвюх жонак ён трактаваў як прыслугу або асыстэнтак. – распавядае ахоўнік. – Вось каханкі – зусім іншая справа. Іх ён запясьпечваў раскошнымі рэзыдэнцыямі і засыпаў кветкамі. Ён мае мінімальна дзевяцёра дзяцей зь некалькімі жанчынамі.

Ахоўнік адвярнуўся ад шэфа, за якога гатовы быў аддаць жыцьцё, у 1989 г., калі пачуў, як той тлумачыць супрацоўнікам, што трэба ачысьціць сябе і ягонага брата Рауля ад абвінавачваньняў у кантрабандзе наркотыкаў у ЗША. Тады шлях кантрабанды наркотыкаў праз Кубу выкрылі амэрыканцы. Кастра імгненна кінуў у турму самых блізкіх супрацоўнікаў генэрала Арнальда Ачоа і палкоўніка Тоні дэ ла Гуардзія. Іх асудзілі і пакаралі сьмерцю як здраднікаў. – З тае пары ён перастаў быць маім кумірам. – распавядае Санчэс.

Калі ў 1994 г. брат Санчэса ўцёк у ЗША, дыктатар згубіў давер да ахоўніка. Санчэс хацеў выйсьці на пэнсію, але яго абвінавацілі ў непадпарадкаваньні і пасадзілі на два гады ў турму. Потым яго пільнавала бясьпека. У 2008 г. яму ўдалося ўцячы на Фларыду, ён пасяліўся на Маямі.

27.06.2014
Мацей Стасіньскі (“Gazeta Wyborcza”)

Пераклаў з польскай В. Буйвал.
http://wyborcza.pl/1,75477,16225470,Fidel_Castro___sultan_z_Karaibow__Kulisy_zycia_dyktatora.html

3/7/2014 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Ліпень 2014
П А С Ч П С Н
« Чэр   Жні »
 123456
78910111213
14151617181920
21222324252627
28293031  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ

Народная Перамога

[ Усе сябры ]




Лічыльнік:


Беларуская Салідарнасьць // Усе правы абароненыя // 2000—2019
Сувязь