Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
Маскоўская пятая калёна ў Крыме 22 студзеня 2014 г. польская газэта “Rzeczpospolita” апублікавала артыкул пад тытулам “Крым камэнтуе сітуацыю ва Ўкраіне”. Вось гэты артыкул: У адмысловым паведамленьні крымскі парлямант сьцьвердзіў: Жыхары Крыму ніколі ня будуць жыць у “бандэраўскай Украіне”. У Севастопалі адбылося надзвычайнае паседжаньне крымскага парляманту, які выдаў заяву “Аб палітычнай сытуацыі ва Ўкраіне”. – Жыхары Крыму ніколі ня будуць жыць у “бандэраўскай Украіне” – кажуць у заяве крымскія парлямантары. – Крым ня будзе ўдзельнічаць ні ў якіх датэрміновых выбарах і ніколі не прызнае іх вынікаў – папярэджваюць крымскія прадстаўнікі. Парлямант Аўтаномнай Рэспублікі Крым, дзе ў большасьці засядаюць прадстаўнікі кіруючай партыі рэгіёнаў, нядаўна зьвярнуўся да прэзыдэнта Віктара Януковіча з просьбай “аб сілавым вырашэньні сытуацыі на кіеўскім Майдане”. – Мы падтрымалі Вас на прэзыдэнцкіх выбарах і ўзамен чакаем рашучых дзеяньняў, каб не дайшло да дзяржаўнага перавароту, да якога імкнуцца звар’яцелыя экстрэмісты – пераконваюць крымскія дэпутаты. Парлямант Крыму таксама падтрымаў прынятыя падчас паседжаньня парляманту зьмены ў заканадаўстве, якія прадугледжваюць шмат забаронаў, якія скіраваныя супраць апазыцыі і недзяржаўных арганізацый. Акрамя таго, крымскія абраньнікі дамагаюцца поўнай забароны дзейнасьці апазыцыйнай партыі “Свобода”, якая аб’ядноўвае правыя групоўкі на Заходняй Украіне. Больш за 60% жыхароў Крыма дэкларуюць расейскую нацыянальнасьць. Мабілізацыя прарасейскіх асяродкаў распачалася яшчэ перад самітам Усходняга Партнёрства ў Вільні. На пачатку лістапада ў Севастопалі адбылася маніфэстацыя пад лёзунгамі “Ня хочам быць з эўрапейцамі-підэрамі, а толькі з братамі-славянамі”. Тады замаскаваныя маніфэстанты спалілі і растапталі сьцяг Эўразьвяза. На працягу гадоў у Крыме ходзяць чуткі, што мясцовым выдаюцца расейскія пашпарты. Прадстаўнікі расейскай супольнасьці ў Севастопалі сьцьвярджаюць, што ва ўсім горадзе іх атрымала ўжо нават да 50 тыс. грамадзян. Руслан Шошын Пераклаў з польскай В. Буйвал Крыніца: http://www.rp.pl/artykul/11,1081163-Krym-komentuje-sytuacje-na-Ukrainie.html 27/1/2014 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
