Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
Інфармацыйная вайна супраць Украінскай рэвалюцыі Беларусы заўважылі адну прыкметную тэндэнцыю ў інтэрнэт-прасторы: чым больш украінцаў далучаецца да рэвалюцыйнага руху, чым бальш арганізавана і рашуча дзейнічаюць рэвалюцыянэры, тым больш агрэсіўным і антыўкраінскім па зьместу і тону становяцца камэнтары на розных рэсурсах. Камэнтатары паліваюць па чым зра лідэраў рэвалюцыі, украінскі народ, яго мову і г.д. Абсалютная бальшыня камэнтароў выканана на акупанцкай расейшчыне. На першы погляд, гэтая паралельная з’ява ёсьць неверагоднай і абсурднай. Але гэтаму ёсьць адназначнае тлумачэньне. З украінскіх патрыётаў, якія раней актыўна выступалі ў Сеціве з нацыянальнымі ідэямі і ў абарону Бацькаўшчыны, цяпер перад кампутарамі не засталося, практычна, нікога. Усе гэтыя многія тысячы людзей – маладых і старэйшых – знаходзяцца ў віры рэальных (а не віртуальных) падзей. Яны змагаюцца і рызыкуюць жыцьцём на Майдане, працуюць у службах тылавога забесьпячэньня Майдана (гаспадарчай, харчовай, мэдычнай). Тыя, хто не паехаў у Кіеў, арганізоўваюць нацыянальны супраціў у сваіх гарадах і мястэчках. Усе занятыя канкрэтнай справай. З другога боку, вядома, што усе спробы прамаскоўскай хунты арганізаваць масавыя выступы грамадзтва ў сваю падтрымку з грукатам праваліліся. Януковічцаў коклькі разоў звозілі на спэцтранспарце (у тым ліку на цягніках) у Кіеў. На гэта хунта выдаткавала процьму грошай. Сваіх “абаронцаў” хунта шчодра аплочвала. Але нічога з гэтага ня выйшла. Людзі разьбегліся і не захацелі ставаць муром на абарону крымінальнікаў ва ўладзе. Затое спэцслужбы і ўсе стукацкія антыўкраінскія сеткі пасадзілі цемру сваёй агентуры за кампутары і пачалі страчыць-паліваць (“строчи, пулемётчик, за синий платочек”). Калі гэтага падалося мала, па сьвістку азвалася ўся гоп-кампанія з тэрыторыі самой Расеі. Украінцам няма часу, людзей, магчымасьці (і, мяркуем, жаданьня таксама) актыўна парыраваць гэтую маскоўскую інтэрнэт-навалу. Ва ўкраінцаў зараз настаў новы этап змаганьня – ім трэба ліквідаваць хунту і нармалізаваць нацыянальна-дзяржаўнае жыцьцё ў сваёй дзяржаве. Як кажа вядомае прыслоўе, “сабака брэша, а караван ідзе…” 27/1/2014 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
