Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
Фальшывыя блюзьнераць у Гомелi Белрэдакцыя Радыё Свабода падалa гэтае паведамленьне пад ідыёцкім (слова «ідыёцкі» — гэта звыклая лексіка радыё Свабода) тытулам “Ленін і Пушкін у Гомелі падтрымалі кіеўскі Эўрамайдан”. Рэдакцыя, відаць, недалёка адышла ад тых, якія вырабляліся ў горадзе над Сожам у ноч на 19 сьнежня. Невядомыя “праявілі ініцыятыву” і накінулі нацыянальна-дзяржаўныя сьцягі Ўкраіны на мясцовыя небеларускія помнікі – сьляды савецка-маскоўскай акупацыі Беларусі. Нармальныя людзі ў нас ня могуць зразумець “логіку” гэтых дзеяньняў, бо ведаюць, што патрыёты ў Кіеве ў сапраўднасьці зрабілі з сымваламі акупацыі. А логікі тут няма. Сэнс дзеяньняў у Гомелі – апалогія абсурда і вульгарная прафанацыя (у дадзеным выпадку з сымволікай, сьвятой для суседняга, братняга народа). Але паводле гэтай “логікі” мяркуецца, што менавіта так трэба рабіць таксама й з сымволікай, сьвятой для беларусаў. Вось, што называецца, “і прыехалі”. У Віцебску раптам узьнікае генсек нейкай раней невядомай “Кансэрватыўна-Хрысьціянскай партыі – Белая Русь” (камфортна зарэгістраванай уладамі), у Берасьці – “прарок” з БХД аблівае сябе чырвонай фарбай каля аблвыканкама, у Гомелі — вось што. Бачна, што рэжымныя рэжысёры выдаюць цэлую сэрыю пад дэвізам “А ў нас у абласным горадзе…” і наладжваюць спаборніцтва мясцовай сумніўнай самадзейнасьці – хто каго пераплюне ў блюзьнерскай справе. Хто на чарзе? Горадзенскія, а можа магілеўскія салісты арыгінальнага жанру? Сымон Рудзік 23/12/2013 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
