Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
Ленін – сымвал бальшавіцкага тэрора – упаў Дарагія сябры! Толькі што мы атрымалі інфармацыю, што ў Кіеве ўпаў галоўны помнік аднаго з найвялікшых злачынцаў ХХ стагоддзя – Леніна. З гэтай нагоды мы сардэчна віншуем Вас і выказваем шчырае прызнаньне. Пасьля 22 гадоў незалежнасьці ўкраінцы скінулі з п’едэстала сымвал паняволеньня Ўкраіны. Пяройдзена сымвалічная мяжа паміж мэнтальнасьцю ўсходняга маскаля – homosovieticusa і адкрытым, эўрапейскім мысьленьнем. У 1989 годзе, таксама ў сьнежні абрынуўся помнік бальшавіцкаму крывасмоку ў раёне Кракава – Новай Гуце. Тады ўкраінскія апазыцыянэры і студэнты падзячылі нас за гэтую ініцыятыву. На жаль, на зямлі Ўкраіны засталося шмат сымвалаў ад камуністычнага рэжыму, якія трэба ліквідаваць раз і назаўжды. Мы спадзяемся, што вы дасьцё рады зь імі – першы крок Вы зрабілі сёньня, 8 сьнежня 2013 г. Калі гэта магчыма, то мы просім перадаць нам малы кавалак ад разьбітага помніка для музэя, прысьвечанага Польскай незалежніцкай апазыцыі. Няхай жыве Вольная Ўкраіна! 8 сьнежня 2013 г. Ядзьвіга Хмялёўска – дзеяч антыкамуністычнай апазыцыі ў ПНР, сустаршыня Аўтаномнага Ўсходняга Аддзяленьня “Змагарнай Салідарнасьці”. Польшча. Пётр Хлябовіч — дзеяч антыкамуністычнай апазыцыі ў ПНР, сустаршыня Аўтаномнага Ўсходняга Аддзяленьня “Змагарнай Салідарнасьці”. Польшча. Караль Гвазьдзевіч – дзеяч антыкамуністычнай апазыцыі ў ПНР, супрацоўнік Аўтаномнага Ўсходняга Аддзяленьня “Змагарнай Салідарнасьці”. Польшча. Казімеж Кубрак – дзеяч “Салідарнасьці”, антыкамуністычнай апазыцыі ў ПНР. Удзельнік зносу помніка Леніну ў Новай Гуце (10 сьнежня 1989 г.). Польшча. Пераклад з польскай. 11/12/2013 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
