Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
“Расеі не напалохаліся толькі дзьве краіны: Малдова і Грузія” 28 лістапада славацкая газэта “SME” апублікавала артыкул пад такім тытулам. Вось гэты артыкул: Віленскі саміт выратавалі дзьве краіны. Україна лавіруе, Арменія далучылася да праекта Пуціна. Вільня, Браціслава. Два лідэры з шасьці былых савецкіх рэспублік, якія ў чацьвер прыбылі на саміт у Вільню, не расчаравалі сваіх эўрапейскіх калегаў. Дзякуючы менавіта ім расчараваньне ўкраінскім разваротам назад было крыху меншым. Малдова і Грузія ў Летуве ў пятніцу распачалі працэс, які папярэднічае падпісаньню асацыятыўнай дамовы, ад якой у апошнюю хвіліну адступіўся ўкраінскі прэзыдэнт Віктар Януковіч. Хто павярнуўся і не пайшоў наперад Той не прыслухаўся да дэманстрацый на ўкраінскіх вуліцах, якія працягваюцца ўжо тыдзень, і падлічыў выдаткі Ўкраіны на пераход на эўрапейскія стандарты ў 160 мільярдаў эўраў. Яшчэ адзін усходні партнёр – Арменія — таксама перайшоў на бок Уладзіміра Пуціна, а за месяц да саміта раптам даў перавагу ягонаму праекту мытнага зьвязу. Яго членам ёсьць Беларусь, якая са сваім аўтакратычным прэзыдэнтам, падобна як і Азэрбайджан, адмаўляецца ад больш глыбокай інтэграцыі з Эўразьвязам. Хто не саступіў Расеі Найбяднейшая краіна ў Эўропе Малдова наадварот не саступіла расейскаму ціску, які праявіўся, калі расейцы праз шэсьць гадоў зноўку забаранілі імпарт вінаў. Як кампэнсацыю Малдова дачакаецца візавай лібэралізацыі з Эўразьвязам, а на пачатку сьнежня яе наведае ўпершыню ў гісторыі кіраўнік амэрыканскай дыпламатыі Джон Кэры. У Грузіі палітыкі, салідарныя з пратэстуючымі ўкраінцамі, пачалі насіць на вуліцы шалікі з блакітна-жоўтымі фарбамі ўкраінскага сьцяга. Уладу маючая эліта ў Тбілісі спадзяецца, што падпіша асацыятыўную дамову ўжо ў верасьні 2014 г, калі ім удасца дасягнуць прагрэсу ў рэформах, і пасьля замены эліт яны не пачнуць какетнічаць з Крамлём. Апасеньні ня скончыліся У Малдове гэта будзе яшчэ больш складана. Экспэрты апасаюцца, што ціск Масквы на малую рэспубліку паміж Румыніяй і Ўкраінай, дзе расейцы маюць пад кантролем сэпаратыстычнае Прыднястроўе, яшчэ ўзмоцніцца. У Кішынёве, аднак, ня хочуць у мытны зьвяз. “Расейцы робяць рэкламу таго, што ёсьць яшчэ праектам, а Эўразьвяз прапануе нам нешта, што ўжо функцыянуе”, — сказала “SME” малдаўская міністар замежных справаў Наталья Герман. Мірэк Тода Пераклаў з славацкай В. Буйвал. Крыніца: http://www.sme.sk/c/7022224/ruska-sa-nezlakli-len-dve-krajiny-moldavsko-a-gruzinsko.html 3/12/2013 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
