Bielarus.net Навіны // Аналітыка // Курапаты // Форум
be pl en
Беларуская Салідарнасьць
Bielarus.net
Плятформа «Беларуская Салідарнасць»

ЛОГІКА АКУПАЦЫІ

З Віцебскай вобласьці паступае інфармацыя пра лакальнае нашэсьце на нашыя прадпрыемствы дрэваапрацоўкі і лясгасы. Актыўнасьць расейскіх бізнэсова-мафійных структураў не выпадковая. Стала вядома, што ў памежнай Пскоўшчыне Масква распачынае пабудову вялікага дрэваапрацоўчага камбіната з удзелам замежнага капіталу пад вывескай знакамітай мэблявай фірмы IKEA. Заходнікі разлічваюць, што выйграюць на нізкай аплаце працоўных людзей і нізкіх коштах драўніны. Таму яны і выбралі для свайго камбіната Расею. Але ёсьць у гэтым пэўная, як казаў Ельцын, “загогуліна”. У Расеі ў цэлым і на Пскоўшчыне ў прыватнасьці мясцовы люд вымірае, сьпіваецца і дэмаралізуецца. Прафэсійных спэцыялістаў і цьвярозых людзей проста не засталося. Менавіта таму арганізатары камбіната падаліся ў суседнюю Беларусь. Яны зьбіраюцца рабіць тут лесанарыхтоўкі (высякаць наш лес) і забіраць на Пскоўшчыну нашых рабочых і інжынэраў (высяляць з радзімы людзей).

Паўстае яшчэ адна “загогуліна”. Калі так, то чаму заходнікі не падаліся ў Беларусь наўпрасткі і не зьбіраюцца разбудоўваць свой бізнэс тут? Ня трэба было б нікога і нішто нікуды перавозіць-перасяляць. Рабі сабе мэблю ды плаці падаткі ў бюджэт Беларусі. Знайшлі б працу сотні беларускіх сем’яў і дзяржаве было б добра. Так яно й атрымліваецца паводле фармальнай логікі. Аднак, ёсьць такое паняцьце, як логіка акупацыі. Расейскі акупант выкарыстоўвае сваё становішча для разбурэньня прамысловасьці і бізнэсу ў Беларусі, для аслабленьня нашай краіны. Масква не дае разьвівацца ўсім галінам беларускай народнай гаспадаркі і груба абрывае любыя магчымасьці міжнароднага супрацоўніцтва, выгаднага для Беларусі. Тым больш, што ў выпадку з пскоўскай ІКЕА ўсе “адкаты”, хабары і мафійныя выплаты ад заходнікаў паступілі і будуць рэгулярна паступаць у будучыні непасрэдна гаспадарам авантуры – расейскім мафійным дзялкам і дзяржадміністрацыі (што адно і тое ж).

Маскоўская банда будзе толькі наносіць шкоду Беларусі: разбураць экалогію, падрываць сацыяльны лад, адным словам, выкарыстоўваць нашу краіну як сваю калонію. Можа лукашыстоўская “дзяржадміністрацыя” выступіла з пратэстам або заявіла, што не дапусьціць гэтай трансакцыі? Не, яны як заўсёды “за”, прычым двума рукамі. Па-першае, павінна быць васальная дысцыпліна, трэба рабіць сабачую стойку на крык з Масквы. Па-другое, нешта перападзе з маскоўскага стала ў працэсе разрабаваньня нашых нацыянальных прыродных і чалавечых рэсурсаў. Ужо падключыліся паралельныя структуры, якія афармляюць васальную здзелку і легалізуюць яе. Стала вядома, што афіцыйныя прафсаюзы Расеі і лукашыстоўскі “прафсаюз” ФПБ ужо зьвярнуліся да Лукашэнкі з просьбай адмяніць указ пра забарону вывозіць з нашай краіны работнікаў дрэваапрацоўчай прамысловасьці. На “просьбу трудяшчіхся” рэжымны начальнік, зразумела, адменіць сваю забарону.

Цікава ў гэтай гісторыі таксама й тое, што сваю антыбеларускую авантуру акупанты пракручваюць менавіта на Віцебшчыне, у Гомель або Магілеў яны не імкнуцца. Яны ўсё пралічылі. Будуць цяпер эксплуатаваць нашы чыстыя землі. Ім ня хочацца лезьці ў атручаныя радыяцыяй раёны Беларусі. Яны пакідаюць іх выключна нам.

Пакуль існуе акупацыйны васальны рэжым, датуль будзе існаваць і акупацыйная васальная логіка. Нічога ня вартыя дэмагагічныя заявы “дэмСМІ” і розных псэўдаапазыцыйных спэцоў (гэтых халуёў прамаскоўскіх ці проста агентаў) аб тым, што, маўляў, “Расея ўтрымлівае Беларусь”. Хто каго ўтрымлівае і хто каго эксплуатуе, мы ведаем і добра бачым на гэтым чарговым прыкладзе маскоўскай мафійнай навалы на поўнач Беларусі.

Алесь Хадасевіч

15/2/2013 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Люты 2013
П А С Ч П С Н
« Сту   Сак »
 123
45678910
11121314151617
18192021222324
25262728  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ

Народная Перамога

[ Усе сябры ]




Лічыльнік:


Беларуская Салідарнасьць // Усе правы абароненыя // 2000—2023
Сувязь