Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
Наша партыя падрыхтавала і праводзіць па ўсёй краіне байкот галасаваньня, які дзейнічае. Дзесяць гадоў працы не змарнаваліся. Цяпер мы кантралюем становішча ў Менску і выбарачна па ўсёй Беларусі. Псэўдаапазыцыйных крыкуноў, каб менш перашкаджалі, простым манэўрам сабралі ў адной менскай акрузе (самы сябе загналі). Першы агляд паказвае, што на папярэдняе галасаваньне рэжым сагнаў каля 10% выбаршчыкаў па Менску. Афіцыйныя зьвесткі завышаныя (сфальсіфікаваныя) па Менску ў 2-4 разы; па Беларусі – ў 3-5 разоў. (Па краіне на папярэдняе галасаваньне сагналі яшчэ менш. Паўсюдна відаць пасыўнае супраціўленьне ашуканцкім выбарам). Цяпер адбываецца асноўнае галасаваньне. Па Менску ўчасткі амаль пустыя. У 13.00 спушчана афіцыйнае распараджэньне на ўсе выбарчыя ўчасткі Менска. Частка членаў камісіі (часам палова) здымаюцца з участкаў і адпраўляюцца з урнамі па кватэрах і хатах (Адразу зазначаю – гэта грубае парушэньне: прымус да галасаваньня). Частка функцыянераў камісіяў адпраўляюцца бяз урнаў. Іхняя задача – угаворваць, страшыць і заганяць на галасаваньне. Журналісты «незалежных» СМІ даюць шмат пустой інфармацыі, зьвесткі часам даволі фантастычныя. Дзеля кур’ёзу даю перадрук з сайту радыё Свабода, дзе нехта піша пра байкот, але «забыўся» адзначыць арганізатараў і ідэолагаў байкоту (КХП — БНФ). Цікава для каго такая інфармацыя? Цытата: «А шэсьць дэмакратычных партыяў і рухаў заклікалі жыхароў Беларусі байкатаваць выбары. Такой пазыцыі прытрымліваюцца: Пасьля сканчэньгя выбарчага фарсу будзе больш падрабязная інфармацыя пра фалсіфікацыю галасаваньня і байкот рэжымнага мерапрыемства. Зянон ПАЗЬНЯК 23/9/2012 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
