ЗАМЕЖНЫ ДРУК (07-08.09.2012)

Можа так стацца

7 верасьня 2012 г. славацкая газэта «SME” апублікавала фота і подпіс пад ім: «Сын Кадафі Сайф Іслам верыў, што разгроміць паўстанцаў грубым гвалтам. Цяпер ён апынуўся ў іхных руках» У артыкуле распавядаецца, што Сайфа Іслама бароніць ягоная прыяцелька ізраільская мадэлька і актрыса Орлі Вайнэрман. Яна сказала, што сын Кадафі «быў джэнтэльмэнам» і г.д.

Наш камэнтар: Можа так стацца, што Віктару Кадафі не пазайздросьцяць сынкі іншых дыктатараў. Зь імі будзе разьбірацца пераможны народ, які памятае «джэнтэльмэнства» гэтых малодшых у бандыцкай сям’і дзяржмафіі.

Юрка Марозаў
***
Пуцін, путаны і пшык

7 верасьня 2012 г. польская газэта «Gazeta Wyborcza” паведаміла пра чарговую акцыю прыхільніц фэміністак групоўкі «Pussy Riot”. Яны спалілі фотапартрэт Пуціна і запісалі гэта на відэакамэру.

Наш камэнтар: З гэтымі «фэміністкамі» даўно ўжо ўсё зразумела. Мадэль адпрацавана ў акупаванай Беларусі. Тут таксама кантора дазволіла ўсім аматарам пустых эфэктаў па-рознаму абзываць Лукашэнку: і такі ён і гэтакі. Для канторы галоўнае, каб не закраналася сутнасьць кіруемай з Масквы дыктатуры, яе гэбоўскі характар, яе мафійныя справы. А дурням можна абзываць, колькі хочаш.

Юрка Марозаў
***
Лубянская “навука”

7 верасьня 2012 г. летувіская газэта «Lietuvos Rytas” напісала пра падрыхтоўку выданьня архіўных дакумантаў і зборніка публікацый Расейскага фонду «Історіческая память». Выданьне мае назву «Напярэдадні Галакосту: Фронт летувіскіх актывістаў і савецкія рэпрэсіі ў Летуве ў 1940-41 гг.». Аўтары маскоўскага выданьня апраўдваюць масавыя арышты і высылкі летувісаў саветамі перад ІІ сусьветнай вайной, называюць Сталіна «дабрадзеям Летувы» і г.д.

Наш камэнтар: Крамлёўскія забойцы і гвалтаўнікі не супакойваюцца, даюць публічнае апраўданьне сваёй анытчалавечай палітыцы ў захопленых краінах. Такімі яны былі заўсёды і такімі яны будуць, аж покуль існуе іхны Карфаген.
Беларускія ахвяры маскоўскай акупацыі яны трактуюць гэтак жа сама. Але ёсьць грунтоўная розьніца. Сваю лубянскую псэўданавуку наконт Летувы яны твораць у Маскве, а вось наконт беларусаў непасрэдна ў Беларусі (часьцей за ўсё рукамі мясцовых навуковых квісьлінгаў). Бо ў нас працягваецца маскоўская акупацыя.

Алесь Хадасевіч
***
«Шпіцлі» — госьці ў Летуве

8 верасьня 2012 г. аўстрыйская газэта «Der Standart” напісала, што Летувіскі Цэнтар Дасьледваньняў Генацыду і Рэзыстэнцыі апублікаваў у Сеціве сьпіс з імёнамі супрацоўнікаў былой савецкай спэцслужбы КГБ. У сьпісе зьвесткі пра 1500 шпіцляў КГБ. Наш камэнтар: Вартая павагі ініцыятыва летувіскага Цэнтру. Так і трэба рабіць, даўно і нават больш грунтоўна. Але паўстае рытарычнае пытаньне: чаму гэты Цэнтар запрашае на свае канфэрэнцыі экспэртам па Курапатах і генацыду ў Беларусі менскага «шпіцля» Кузьняцова, які падаецца аўтарытэтным навукоўцам ад Акадэміі Навук Беларусі? Ягоныя дэмагагічныя выступы сустракаюцца аўдыторыяй воплескамі. Летувісы ня ведаюць (ці мо’ ўжо забыліся), хто ёсьць сапраўдным адкрывальнікам і абаронцам Курапатаў і іншых нацыянальных сьвятыняў (ці мо’ яны чаго баяцца)?

Алесь Хадасевіч
***
Вырашыў палюбіць жывёлак

8 верасьня 2012 г. швайцарская газэта «Neue Zuercher Zeitung” напісала пра Пуціна, які любіць выступаць у ролі абаронцы жывой прыроды: мядзьведзяў, каціных драпежнікаў, кітоў. Журналісты сьцьвярджаюць, што ім не даюць высьмейваць Пуціна ў гэтай піар-ролі.

Наш камэнтар: Вядома, што Гітлер таксама любіў выстаўляцца ў амплуа аматара жывёл, фатаграфаваўся разам аленямі і г.д. Калі нехта казаў яму пра пакуты мільёнаў людзей, фюрэр кідаўся ў істэрыку.
Арганізатара імпэрскага зьнішчэньня людзей і народаў маскоўскага Пуціна таксама варта было публічна спытаць на гэтую тэму.

Юрка Марозаў
***
Шчырае прызнаньне

8 верасьня 2012 г. нідэрляндская газэта «De Telegraaf” цытавала выступ міністра замежных справаў Лаўрова ва Уладзівастоку. Ён сказаў, што санкцыі супраць Сірыі і Ірану нанясуць шкоду інтарэсам Расеі.

Наш камэнтар: Шчырае прызнаньне крамлёўца. Інтарэс Расеі – утрыманьне антыдэмакратычных рэжымаў ва ўсім сьвеце.

Алесь Хадасевіч

10/9/2012 › Навіны