Bielarus.net Навіны // Аналітыка // Курапаты // Форум
be pl en
Беларуская Салідарнасьць
Bielarus.net
Плятформа «Беларуская Салідарнасць»

БАЛЬШЫНЯ ЛЮДЗЕЙ НЯ ХОЧУЦЬ УДЗЕЛЬНІЧАЦЬ У ПСЭЎДАВЫБАРАХ

(Жнівеньскі Сойм Беларускага Народнага Фронту “Адраджэньне” і
Кансэрватыўна-Хрысьціянскай Партыі – БНФ)

12 жніўня сёлета ў Менску адбыўся чарговы Сойм Беларускага Народнага Фронту “Адраджэньне” і Кансэрватыўна-Хрысьціянскай Партыі – БНФ. Сойм заслухаў даклад сп. Зянона Пазьняка, Старшыні Беларускага Народнага Фронту “Адраджэньне” і Кансэрватыўна-Хрысьціянскай Партыі – БНФ – “Народ ня верыць ні рэжыму, ні апазыцыі” (апублікаваны). З дакладам выступілі сп. Юры Беленькі, выканаўца абавязкаў у Беларусі старшыні Фронту і Партыі, і сп. Сяргей Папкоў, намесьнік старшыні Фронту і Партыі.

Выступоўцы адзначылі, што адзінай сілай, якая сапраўды арганізоўвае грамадзтва на Народны Байкот псэўдавыбараў зьяўляюцца патрыёты-фронтаўцы. Псэўдаапазыцыя ва ўсіх рэгіёнах нашай краіны толькі надзьмувае бурбалкі, ствараючы ілюзію палітычнай дзейнасьці. На вуліцах і плошчах гарадоў зрэдку можна заўважыць дробныя пікеты збору подпісаў “за кандыдатаў”. Але людзі не цікавяцца імі і праходзяць міма. Заўважаны ўжо дробныя групкі, якія пачалі хадзіць па кватэрах і зьбіраць подпісы ды агітаваць. Незалежна ад таго, ад рэжыму гэтыя агітатары ці ад “апазыцыі”, бальшыня беларусаў гоніць іх прэч, часам у даволі рэзкай форме. Нашаму грамадзтву абрыдла хлусьня рэжыму і яго “апазыцыі”, абрыдлі фальшывыя зазывалы на электаральны фарс, на якім ужо ўсё вырашана заранёў. Усе міжволі пытаюцца, што будзе рабіць рэжым, каб прымусіць людзей пайсьці на “выбарчыя ўчасткі” і зарэгістравацца. Можна меркаваць, што рэжым мабілізуе так званых “карусельшчыкаў” – фальшывых выбаршчыкаў, якіх натоўпамі будуць вазіць па некаторых участках і ствараць “карцінку” масавага ўдзелу электарату ў выбарах. Вельмі важна, каб быў арганізаваны кантроль за гэтымі крымінальнымі дзеяньнямі рэжыму, як і за ўсім электаральным крыміналам.

Выступілі таксама сябры Сойму з розных рэгіёнаў краіны. Яны паведамілі пра новыя факты эканамічнага і сацыяльнага правалу рэжымнай палітыкі. На некаторых прадпрыемствах (напрыклад, на менскім заводзе МАЗ) ёсьць спробы ажывіць вытворчасьць, карыстаючыся заказамі на машыны, якія замаўляе Расея. Але паўстае праблема, што няма ўжо кваліфікаваных работнікаў, здольных на выкананьне такіх заказаў. Прадукцыя, зробленая для Расеі, атрымліваецца нізкай якасьці і вяртаецца назад для пераробкі. Адчуваецца, наколькі глыбака антыбеларускі рэжым падарваў беларускую эканоміку і вытворчасьць. Лепшыя работнікі ў папярэднія гады былі або звольнены, або разьбегліся з прадпрыемстваў. Рабочыя распавядаюць таксама, што аптымістычная рэжымная рэкляма пра абяцаныя заробкі ў 5-6 мільёнаў беларускіх рублёў зьяўляецца фальшывай. Калі работнік уладкоўваецца на працу, яму выплочваюць заробак удвая менш і 70% гэтай сумы налічваецца ў якасьці прэміяльных (гэта значыць, што паводле рашэньня адміністрацыі гэтыя грошы работніку могуць і ня выплаціць, спаслаўшыся на нешта).

Сябры Сойму давялі, што па ўсёй краіне назіраецца адмоўнае стаўленьне да рэжымных псэўдавыбараў. Бальшыня людзей ня хочуць удзельнічаць у гэтым шоў. Але многія кажуць, што іх пагоняць на галасаваньне. Неабходна тлумачыць нашаму грамадзтву, што нельга дазваляць рэжыму зьневажаць нашую чалавечую годнасьць. Ня трэба ўдзельнічаць у злачынстве, якое рыхтуе лукашызм.

Інфармацыйная камісія Беларускага Народнага Фронту
“Адраджэньне” і Кансэрватыўна-Хрысьціянскай Партыі – БНФ
12 жніўня 2012 г.

13/8/2012 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Жнівень 2012
П А С Ч П С Н
« Ліп   Вер »
 12345
6789101112
13141516171819
20212223242526
2728293031  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ

Народная Перамога

[ Усе сябры ]




Лічыльнік:


Беларуская Салідарнасьць // Усе правы абароненыя // 2000—2022
Сувязь