Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
АДБЫЛАСЯ ПРЭЗЭНТАЦЫЯ НОВЫХ КНІГ У нядзелю 27 лютага ў Нью-Ёрку ў кантэксьце агульнага сходу Бруклінскага аддзелу БАЗА адбылася прэзэнтацыя новых кніг Зянона Пазьняка, выдадзеных у 2010 годзе. Напачатку мінулага года тут была прадстаўлена кніга “Цяжкі час. Канцэпцыя новага беларускага Адраджэньня. Кніга 2 (1996-2002 гг.)” У красавіку і ліпені-2010 выйшлі кнігі “Дэклярацыя – першы крок да незалежнасьці” і “Дэпутаты Незалежнасьці” (напісаная разам з Сяргеем Навумчыкам). А ў канцы года выйшла трэцяя кніга канцэпцыі “Цяжкі час. Працяг”. (Агулам другі і трэці тамы — 940 старонак фармату А-4.) Калі пералічыць гэтую працу (чатыры выданьні) на аўтарскія друкаваныя аркушы, то разам з ілюстрацыямі атрымліваецца 240 аўтарскіх друкаваных аркушаў. Па аб’ёму гэта праца савецкага акадэмічнага навукова-дасьледчага інстытуту за некалькі гадоў. Гэты марафон, праўда, ужо вымушана спыняецца па банальнай прычыне – адсутнасьці сродкаў. Прадстаўленыя кнігі выдрукаваныя, практычна, у доўг. Але яны выдадзеныя, існуюць для чытача. Уся праца рабілася зь веданьнем і ў гонар 20-годдзя незалежнасьці Рэспублікі Беларусь, якое прыпадае ў гэтым годзе. 25 Жніўня – выдатная дата беларускай гісторыі. Кніга “Дэпутаты Незалежнасьці” цалкам пасьвечаная вялікай даце. Увага засяроджана на падзеях і людзях (дэпутатах Апазыцыі БНФ), якія канкрэтна і моцна ўплывалі на ход гэтай паваротнай гістарычнай зьявы. Абмеркаваньне кніжак адбывалася ў грамадзкай залі Беларускага Сабора сьвятога Кірылы Тураўскага. Аўтар Зянон Пазьняк найбольш часу пасьвяціў канцэпцыі нацыянальнага змаганьня, прадстаўленай ў трэцім томе “Цяжкі час. Працяг”. Было выкладзена шмат новых фактаў і асэнсаваныя складнікі незвычайнай палітычнай перамогі малалікай дэпутацкай Апазыцыі Народнага Фронту над у 10 разоў большай масай камуністычных дэпутатаў Вярхоўнага Савета. Выступ быў выслуханы зь вялікай цікавасьцю, аўтару задавалі шмат пытаньняў. Потым, у час абмеркаваньня, грунтоўна выступіла (даючы ацэнку выданьням) Тацьцяна Красоўская. Выказалі свае меркаваньні іншыя прысутныя, якія ўжо пачыталі гэтую літаратуру (Уладзімер Цяліца, Расьціслаў Гарошка). Працу аўтара ацанілі прыхільна і станоўча, зычылі посьпехаў і працягу. У заключэньне імпрэзы быў паказаны новы фільм Юры Хашчавацкага “Лабатамія”. -інф- 4-1-picture-020-1.jpg 3-2-picture-022.jpg 2-3-prezentac-1.jpg 1-4-prezentac-2.jpg 2/3/2011 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
