Bielarus.net Навіны // Аналітыка // Курапаты // Форум
be pl en
Беларуская Салідарнасьць
Bielarus.net
Плятформа «Беларуская Салідарнасць»

Уладзімер Някляеў – нобэлеўскі намінант

Беларуская культура, беларускае Слова, духоўная моц ва ўсе часы былі апірышчам існаваньня нашага народу. Ня толькі пакаленьні нашых людзей баранілі родную мову і культуру ад вынішчэньня і паняверкі, але і беларушчына, творчыя каштоўнасьці былі гарантам вечнага жыцьця беларусаў. Не выпадкова акупанты і зьнішчальнікі так ненавідзелі і ненавідзяць ўсе праявы нашага духоўнага, нацыянальнага жыцьця, так імкнуліся і імкнуцца растаптаць усё сьвятое на нашай зямлі і навязаць нам чужынскі сурагат. Змаганьне за Беларусь працягваецца ва ўсіх сфэрах.

Таленавітая паэзія ня мае патрэбы ў гучных прэміях і стылізаваных лаўровых вянках з золата. Сапраўдная паэзія і бяз гэтага знойдзе народнае прызнаньне і любоў, што ёсьць найвышэйшай узнагародай для творцы. Але для нас, — беларусаў, — вельмі важна, каб у шырокім сьвеце загучала беларускае паэтычнае Слова, каб людзі ў розных краінах спыталіся: а што за край, што за душа нараджаюць гэтыя вобразы і фарбы? Важна, каб народы адчулі, даведаліся, што Беларусь жывая і будзе жыць. Каб імя нашай краіны асацыявалася ня толькі з “апошняй дыктатурай Эўропы” і Чарнобыльскай бядой.

17 лютага па прапанове паэта Генадзя Бураўкіна Беларускі ПЭН-цэнтар прыняў рашэньне вылучыць Уладзімера Някляева на Нобэлеўскую прэмію па літаратуры. Гэтая намінацыя ўжо знайшла станоўчы водгук у беларускім грамадзтве.

Азьвярэлая паліцэйшчына-гэбоўшчына зрабіла спробу забіць Паэта ўвечары 19 сьнежня сёлета. Гэты напад быў сігналам для рэпрэсіўных структураў антынароднага рэжыму распачаць шырокамаштабную крывавую кампанію здушэньня мірнага народнага пратэсту. Усе ведаюць цяпер, што Уладзімер Някляеў быў цяжка паранены менавіта тады, калі ішоў на плошчу Кастуся Каліноўскага, каб заклікаць тысячы людзей да разумных, мірных дзеяньняў, да арганізацыі Руху за новыя выбары без Лукашэнкі. Праліўшы першую кроў, рэжым не дапусьціў цывілізаванага разьвіцьця падзеяў і праз сваіх правакатараў павёў людзей у пастку да Дому Ураду.

Пасьля зьняволеньня ў гэбоўскай турме Паэт знаходзіцца пад хатнім арыштам, што ва ўмовах лукашызма ёсьць працягам зьдзеку над чалавекам. Рэжым спрабуе высунуць супраць яго абсурдныя і беспадстаўныя абвінавачваньні і арганізаваць дзікае судзілішча над ім. Трэба, каб імя беларускага Паэта гучала ў сьвеце, каб людзі добрай волі паспрыялі выратаваньню і вызваленьню яго і ўсіх, хто пацярпеў і церпіць ад рэпрэсіяў антынароднага рэжыму. Нобэлеўская прэмія была б няхай сабе і фармальным, але станоўчым знакам прызнаньня беларускага таленту і нашай нацыянальнай культуры.

Алесь Хадасевіч

19/2/2011 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Люты 2011
П А С Ч П С Н
« Сту   Сак »
 123456
78910111213
14151617181920
21222324252627
28  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ

Народная Перамога

[ Усе сябры ]




Лічыльнік:


Беларуская Салідарнасьць // Усе правы абароненыя // 2000—2022
Сувязь