Bielarus.net Навіны // Аналітыка // Курапаты // Форум
be pl en
Беларуская Салідарнасьць
Bielarus.net
Плятформа «Беларуская Салідарнасць»

Ня мяжы канфіскавалі кнігі Пазьняка і Навумчыка

17 лістапада на прапускным пункце “Каменны Лог” у намесьнікаў старшыні КХП-БНФ Юрася Беленькага і Сяргея Папкова канфіскавалі кнігі “Цяжкі час” і “Дэпутаты Незалежнасьці”. “Гэбісты будуць першымі чытачамі”, – камэнтуе Зянон Пазьняк.
Затрымлівалі і нават судзілі за перавоз кнігі вершаў Пазьняка.

Падрабязнасьці інцыдэнту распавёў Свабодзе Юрась Беленькі.

Беленькі: “Калі аўтобус перасёк пункт пропуску літоўскі і заехаў на пункт пропуску беларускі, мытнікі далі каманду ўсім пасажырам з рэчамі зайсьці ў залю кантролю. Пасажыраў было няшмат. Сталі прапускаць праз сканэр, і калі прапусьцілі валізку Сяргея Папкова, адзін мытнік запытаўся – ” А што ў вас за кнігі? Пакажыце”. Потым – “А што гэта? Зянон Пазьняк?”. І тут адразу зьбеглася чалавек пяць. Ня ведаю, можа, гэта мэтанакіраваная акцыя, можа, зьбег абставінаў, але адразу зьявіліся і мытнікі, і памежнікі, і закруцілася. Сталі фатаграфаваць гэтыя кнігі, потым кудысьці панесьлі, потым прынесьлі, ізноў фатаграфавалі. Адзін інспэктар, гартаючы кнігу, сказаў – “А што гэта тут супраць Расеі? Мы ж будуем саюзную дзяржаву! Я вось служыў у Пецярбурзе…” (зразумела, казаў па-расейску). У мяне былі дзьве кнігі, падпісаныя аўтарам асабіста мне. Пачалося тое ж самае. Я ня вытрымаў, кажу – “Гэта кнігі, якія падораны нам з аўтарскім подпісам. Больш за тое, мы дэпутаты Вярхоўнага Савета 12-га скліканьня, пра якіх гэтая кніга, вось тут нават нашыя фотапартрэты”. Калі я сказаў, што мы былыя дэпутаты, яны крыху памякчэлі, бо спачатку паводзілі сябе агрэсіўна. Тым ня менш, завялі нас у асобны пакой. Ізноў зьявіліся нейкія людзі, ізноў фатаграфавалі і кнігі, і выходныя дадзеныя кніг, і подпісы аўтарскія. Увогуле, фатаграфавалі ўсё разоў пяць. Потым забралі нашыя пашпарты, потым вярнулі, потым ізноў забралі пашпарты, потым ізноў фатаграфавалі кнігі. Усё гэта цягнулася недзе дзьве гадзіны. У выніку яны склалі “Пратакол затрыманьня тавараў і дакумэнтаў на іх”, дзе запісана (па-расейску): “На прапускным пункце “Каменны Лог” інспэктар Шытко Віктар Мікалаевіч, у адпаведнасьці з пунктам 1 артыкула 307 Мытнага Кодэксу зрабіў затрыманьне тавараў і дакумэнтаў – кніга “Цяжкі час. Працяг”, аўтар Зянон Пазьняк, 2010 год – 5 экзэмпляраў, і кніга “Дэпутаты Незалежнасьці”, аўтар Зянон Пазьняк і С.Навумчык, 2010 год – 7 экзэмпляраў”. Я падпісаў пратакол, два экзэмпляры яны забралі сабе, адзін пакінулі мне. Сказалі, што экспэртыза будзе разьбірацца, да 27 лістапада, за гэты час яны вызначаць, ці мае гэтае літаратура падрыўны характар супраць Рэспублікі Беларусь. Гэта ня першы выпадак, калі затрымліваюць кнігі Пазьняка. Затрымлівалі і нават судзілі спадара Анцыповіча за перавоз кнігі вершаў Пазьняка. Вершаў! Выглядае, што на мяжы вельмі жорсткая дадзена ўстаноўка менавіта супраць выданьняў гэтага аўтара”.

Канфіскацыю кніг камэнтуе Зянон Пазьняк:

Гэбісты будуць першымі чытачамі
Пазьняк: “Гэты рэжым палюе за маім імём ужо 15 гадоў. Усё, што зьвязана з маім прозьвішчам, канфіскуецца, бярэцца пад падозраньне. Таму тут нічога дзіўнага. Адзінае, што магу сказаць – “Цяжкі час. Працяг” – гэта трэці том “Канцэпцыі нацыянальнага Адраджэньня”, які выйшаў некалькі дзён таму. Кнігі яшчэ ніхто не чытаў, гэбісты будуць першымі чытачамі. Ну, чытаць яны ня будуць, але першымі зробяць “крытычную экспэртызу”. Гэта зьвязана вядома з чым. Зараз ўсіх дзеячоў нашай партыі, нашу працу адсочваюць, бо адзінае, чаго яны баяцца – гэта байкоту.

Нядаўна арыштавалі нашых людзей у Берасьцейскай вобласьці, забралі чатыры тысячы ўлётак. Так што гэта факт таксама, я лічу, зьвязаны з байкотам, з выбарамі, і з тым, што можа адбыцца. І таму ідзе такое сачэньне і такая паніка, калі на мяжы зьбегся ўвесь пэрсанал”.

18.11.2010
Радыё Свабода

18/11/2010 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Лістапад 2010
П А С Ч П С Н
« Кас   Сьн »
1234567
891011121314
15161718192021
22232425262728
2930  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ

Народная Перамога

[ Усе сябры ]




Лічыльнік:


Беларуская Салідарнасьць // Усе правы абароненыя // 2000—2020
Сувязь