Bielarus.net Навіны // Аналітыка // Курапаты
be pl en
Беларуская Салідарнасьць
Bielarus.net
Плятформа «Беларуская Салідарнасць»

Злачынная палітыка русіфікацыі

Пачатак новага навучальнага году прадэманстраваў чарговы этап зьнішчэньня антыбеларускім рэжымам беларускай адукацыі ў нашай краіне. Афіцыёз хадзіў па школах і ВНУ, выступаў на акупанцкай мове і выказваў “высочайшее удовлетвореніе” станам “русскоязычного образованія”. На Радыё Свабода паведамілі пра ліквідацыю чарговых школ і клясаў, якія яшчэ функцыянавалі на дзяржаўнай мове тытульнай нацыі. У якасьці сэнсацыі Радыё Свабода падала паведамленьне пра адзіную школьніцу, якая зьбіраецца навучацца на беларускай мове на ўвесь Магілеў. Можна сказаць, што “зачыстка” беларушчыны ў Магілеве скончылася. У якасьці аргуманта такой хады падзеяў Радыё Свабода паведаміла, што “больш ніхто з бацькоў не напісаў заявы на беларускамоўнае навучаньне”. А вось аб сапраўдных прычынах гэтага зьнішчальнага працэсу ні “Свабода”, ні іншыя “незалежныя” СМІ не тэарэтызавалі. Не сказалі пра гэта аніслова.

Зразумела, што не бацькі вінаватыя ў тым, што паўсюдна ліквідуецца адукацыя на беларускай мове. Прычынай ёсьць злачынная палітыка русіфікацыі нашага народу, якую на працягу апошніх 16 гадоў праводзіць антынародны прамаскоўскі рэжым, які незаконна трымае ўладу ў Беларусі.

Сёлета на 1 верасьня рэжым дазволіў сабе тое, што не дазваляў сабе нават савецкі афіцыёз у БССР. Па БТ паказалі рэпартаж з Бельска Падляшскага, што на Беласточчыне ў Польскай Рэспубліцы. Распавялі (па-беларуску), што там дзейнічае Беларускі ліцэй і што 1 верасьня першаклясьнікі атрымалі там падручнікі на беларускай мове. Паказалі прыгожыя, сьветлыя, шчасьлівыя твары дзяцей-беларусаў Беласточчыны, якія трымаюць у руках кніжкі (надрукаваныя па-беларуску ў Польшчы). За кадрам дыктар давёў нам наступнае: “Усходнія палякі заўсёды цікавіліся гэтым”. Пад “гэтым” мелася на ўвазе беларуская мова і культура. Пры саветах афіцыёз БССР з большага маўчаў пра сотні тысячаў беларусаў, якія жылі і жывуць у Беласточчыне на тэрыторыі Польшчы. Цяперашні афіцыёз публічна кваліфікаваў іх як “усходніх палякаў”. Так аб частцы беларускага народа, аб беларускіх дзецях, якія ў іншай краіне вучацца па-беларуску, можа казаць толькі антыбеларускі рэжым, задачай якога зьяўляецца ліквідацыя ўсяго нацыянальнага на нашай зямлі, а потым і ліквідацыя нашага народу.

Па ўсім адчуваецца, што варожыя Беларусі сілы расперазаліся, бо лічаць пераможна скончанай справу разгрому беларускай культуры, мовы і нацыянальнай адукацыі ў захопленай імі краіне. Трэба нагадаць гэтым цемрашалам, што ўся гісторыя Беларусі паказвае і сьведчыць: як толькі ворагі-зьнішчальнікі зьбіраюцца наладзіць пахаваньне беларусам і ўжо цягнуць іх у магілу, наш народ устае, выпрастоўваецца і гоніць прэч бандыцкую кодлу. Як напісаў Зянон Пазьняк, “засталося няшмат…”

Янка Базыль

3/9/2010 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Верасень 2010
П А С Ч П С Н
« Жні   Кас »
 12345
6789101112
13141516171819
20212223242526
27282930  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ


Беларуская Салідарнасьць // 2000—2024