Bielarus.net Навіны // Аналітыка // Курапаты
be pl en
Беларуская Салідарнасьць
Bielarus.net
Плятформа «Беларуская Салідарнасць»

Расейская імпэрыя. Факты і падзеі №10

Прыгоды маскоўскіх нашыстаў. Расейскія СМІ паведамілі, што лідэр маладзёвай рэжымнай арганізацыі “Молодая гвардія Едіной Россіі” (гэткага пуцімола або медведемола) Руслан Гатараў зьбіраецца сысьці адстаўку з лідэрства. У кастрычніку адбудзецца зьезд гэтай новай рэдакцыі камсамола, на якім з яго палітбюро зьбіраюцца выдаліць усіх, хто старэйшы за 28 гадоў. Такіх “старычкоў” там 13 з 22. Цікава, што рашэньне пра адстаўку Гатарава прыняў намначальніка адміністрацыі прэзыдэнта РФ Уладзіслаў Суркоў. Падчас нядаўніх каласальных пажараў у Расеі “маладагвардзейцы” заявілі акцыю “Остановім огонь” (як мы разумеем, на гэтую акцыю кіраўніцтва маскоўскага бэрэсэма атрымала немалыя грошы). Кіраваць акцыяй узяўся асабіста тав. Гатараў. Дзеяньні “герояў” былі шырака разрэклямаваны ў сеціве і на тэлебачаньні. А потым аказалася, што “маладагвардзейцы” нічога не патушылі і тапталіся там, дзе ўсё было ўжо патушана або згарэла да іх.
Такі ж канфуз атрымаўся і з пракрамлёўскімі маладзёвымі рухамі “Наші” і “Сталь”. На пачатку жніўня яны заявілі, што пасылаюць 300 дабраахвотнікаў у Разанскую вобласьць ратаваць пасёлак Трабухіна. Журналісты ім не паверылі і высьветлілі на мясцовасьці, што Трабухіна згарэла ўжо за некалькі дзён да заявы “нашыстаў”. (Ага, гэта вам не журналісцкая публіка РБ).
Гэтыя лакальныя падзеі павінны напаўняць трывогай крамлёўскае кіраўніцтва. Яно скалаціла за немалыя грошы цэлую сэрыю сваіх маладзёвых арганізацый, пасадзіла на штат кіраўнічкоў, раздала яркія маечкі шыхтам маладзёнаў, паабяцала ім камфортную дзяржаўную кар’еру, наладзіла дзікія скокі-фэстывалі кшталту “Нашествія”. І раптам раскрылася, што ўвесь гэты надзьмуты “маладзёвы імпэт” у абароне Крамля-Лубянкі лёгка зьдзьмуваецца. Пуцін-Медведев павінны ўявіць сабе, што будзе, калі загарыцца не Трабухіна, а Крэмль з Лубянкай. “Нашысты” ганарар авансам возьмуць, але на пажар не пабягуць. У лепшым выпадку прыдуць сфатаграфавацца на фоне галавешак. Вось такая пэрспэктыва, такая “маладая гвардыя Крамля”…

Часопіс “Форбс” анансаваў чарговую статыстыку пра Расею. За год колькасьць дзяцей-мільярдэраў павялічылася ў гэтай краіне ў паўтара разы (!). У рэйтынг патрапілі непаўнагадовыя спадчыньнікі, спадчына якіх ад багатых бацькоў складае больш за адін мільярд даляраў. Лідыруе ў сьпісе Юсуф Алекпераў, сын прэзыдэнта “Лукойла” Вагіта Алекперава – у яго ёсьць 10,65 мільярдаў даляраў. Летась у Алекперава-малодшага было “ўсяго” 7,6 мільярдаў. Ёсьць у сьпісе і малыя Абрамовічы, і малыя Дзярыпаскі. Часопіс “Форбс” не абяцае апублікаваць статыстыку эканамічнага і сацыяльнага правалу ў Расеі. Наколькі дзесяткаў тысячаў стала больш непаўнагадовых прастытутак і бамжоў, злачынцаў і збачэнцаў. Ды і немагчыма было б сабраць інфармацыю пра бясконцую, тытанічную катастрофу, у якую ўцягнуты мільёны дзяцей і падлеткаў Расеі.

Чарговая ахвяра Масквы. 27 жніўня ў Маскве забілі чарговага беларуса. Расейскія СМІ паведамілі, што труп 50-гадовага жыхара Горадні знайшлі з мноствам нажавых раненьняў знайшлі каля дома, у якім ён пражываў у Маскве апошнія паўгады. Горадзенец працаваў і жыў там нелегальна.

29 жніўня расейскія тэлеканалы ў сваіх праграмах навінаў паказвалі аптымістычныя сюжэты. Рэпартажы аказаліся бясконцымі, шматслоўнымі, але падкрэсьлена бадзёрымі. Спачатку доўга-доўга апавядалася пра лялькавы фэстываль у Пецярбурзе. Потым доўга-доўга паказвалі “репортаж із Белоруссіі” пра спаборніцтвы пад назовам “Навальніца”. Пад Лагойскам сабралі нейкіх мясцовых статыстаў, якія “любовалісь” на запускі ракетак і фэервэркі. На міжнародных спаборніцтвах па фэервэркам лідыравала зборная Расеі. У чарговы раз расейскае тэлебачаньне малюе фальшывую лубачную карцінку пра “всё хорошо, прекрасная маркіза…” у нашай і сваёй краіне. Дачакаюцца хлусы, што на Беларусі грымне сапраўдная навальніца, якая абваліць усё іхнае фальшывае шалупіньне.

Нялегкая гэта праца – быць васалам чужынскай імпэрыі. Уноч на 29 жніўня партызанскі атрад колькасьцю ня менш за 30 байцоў атакаваў паселішча Цэнтарой у Чачэніі. У Цэнтароі знаходзіцца база прамаскоўскага “прэзыдэнта” Чачэніі Кадырава-малодшага. Завязаўся бой з ахоўнікамі дома-замка Кадырава. Партызаны падпалілі шэраг аб’ектаў, забілі і паранілі некалькі ахоўнікаў, а потым вярнуліся на свае базы ў гарах. Расейскія СМІ сьцьвярджаюць, што Кадыраў асабіста кіраваў абаронай. Але чачэнскія партызаны заявілі, што яго не было ў Цэнтароі.

На Спаскай вежы Крамля рэстаўратары знайшлі выяву Хрыста Пантакратара з сярэдзіны 17-га стагоддзя. Падчас бальшавіцкага бязбож’я 1930-х гадоў людзі выратавалі абраз, закрыўшы яго тынкоўкай. На адсланеньне абраза перад Спаскай вежай раніцай 29 жніўня сабраўся кампактны натоўп крамлёўскага начальства. Наперадзе натоўпа стаялі начальнік РПЦ Кірыл і прэзыдэнт РФ Медведев. Тэлекамэра зрабіла наезд на іх і паказала іхныя “одухотворённые” твары. Выступіў Медведев і сказаў, што цяпер у Расеі “ёсьць дадатковая абарона” у выглядзе абраза Спаса. Але телеапэратары дапусьцілі вельмі сур’ёзны кампазыцыйны “ляп”, прадэманстраваўшы вяльможны натоўп з флангу. Натоўп эфэктна зарысаваўся на фоне экзатычнай архітэктуры маўзалея Леніна. Сцэна адразу згубіла лоск псэўдаправаслаўнага “благолепія” і вярнулася ў праўдзівую форму паганскага капішча з блюзьнерскім згадваньнем імя Хрыста.
Гэта ёсьць чарговы шэдэўр маскоўскай цынічнай эклектыкі. Начальства велічна і пампезна ўстае перад адкрытым хрысьціянскім абразом. А зусім побач, у 100 мэтрах узвышаецца дзейснае паганскае сьвяцілішча з муміяй аднаго з самых знакамітых прыслужнікаў сатаны. Мумія ляжыць сабе і нікога з расейцаў (якія ўдаюць з сябе “православнейшіх”) не трывожыць. Адбываецца гэтак таму, што мумія выратавала іхную сатанінскую імпэрыю.
І яшчэ адзін аспэкт. Калі б адкрыцьцё выратаванага абраза на браме сталіцы адбывалася ў якой-небудзь сапраўды праваслаўнай краіне (напрыклад, у Грэцыі, Баўгарыі або Румыніі), на плошчы перад брамай сабраліся б дзесяткі тысячаў вернікаў, каб маліцца і радавацца. У Маскве па дзяжурнаму сьвістку прышла засьвяціцца для піяру група начальнікаў. Складваецца ўражаньне, што ніхто “дадаткова” ня будзе бараніць гэты антычалавечы і бязбожны мэгаполіс.

Пасьляпажарныя скандалы ў Расеі пашлі адзін за адным. Жыхары некалькіх вёсак Мелянкоўскага раёну Уладзіміраўскай вобласьці зьвярнуліся да прэм’ера Пуціна з пратэстным лістом. Яны адмаўляюцца ад “лачуг”, якія ім зьбіраюцца прадаставіць мясцовыя ўлады ўзамен на спаленыя дамы і падвор’і. Гуманітарнае будаўніцтва адбываецца ў пагарэлых вобласьцях Расеі паводле сумнавядомай мадэлі антыбеларускага рэжыму ў РБ – маюцца на ўвазе “аграгарадкі”, у якіх вясковаму чалавеку немагчыма нармальна жыць. Абласное начальства ў Расеі прапануе пагарэльцам пабудаваць дамы-скрынкі без склепаў і гаспадарчых будынін. Вясковыя людзі ў шоку. А падчас пажараў многія зь іх вырашылі палепшыць свае жыльлёвыя ўмовы пад абяцанкі ўладаў даць кампэнсацыю пагарэльцам. Многія сем’і (часам цэлыя паселішчы) самы падпальвалі свае хаты і рабілі выгляд, што змагаюцца з полымем. І вось людзей у чарговы раз нахабна падманулі.

Янка Базыль

30/8/2010 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Жнівень 2010
П А С Ч П С Н
« Ліп   Вер »
 1
2345678
9101112131415
16171819202122
23242526272829
3031  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ


Беларуская Салідарнасьць // 2000—2024