Bielarus.net Навіны // Аналітыка // Курапаты
be pl en
Беларуская Салідарнасьць
Bielarus.net
Плятформа «Беларуская Салідарнасць»

Агляд замежнага друку

Аўстрыйская газэта “Der Standard”.
16 жніўня 2010 г. Аўстрыйская газэта “Der Standard” апублікавала артыкул пра маскоўскі фільм “Хросны бацька-3”. Цытуем артыкул: “Па расейскаму тэлебачаньню быў паказаны дакумэнтальны фільм, у якім беларускі прэзыдэнт Аляксандр Лукашэнка прадстаўлены псіхапатам. У паказаным у нядзелю па каналу НТВ паўгадзінным рэпартажы гаворыцца, што Лукашэнка быў звольнены з вайсковай службы ў 1982 годзе, таму што ў яго былі знойдзены псіхапатычныя рысы. Яны сярод іншага выяўляліся ў “садыстычнай тэндэнцыі”. Фільм да таго ж праводзіць паралелі паміж Лукашэнкам і дыктатарамі Адольфам Гітлерам і Ёсіфам Сталіным… На першую сэрыю, паказаную Масквой, Менск адрэагаваў брутальна. Адносіны паміж Расеяй і Беларусьсю ў мінулыя месяцы прыкметна пагоршыліся”.
Наш камэнтар: Сапраўды, адносіны настолькі “пагоршыліся”, што антыбеларуская дыктатура толькі за мінулыя месяцы здолела аддаць маскоўскай дзяржмафіі шэраг лепшых прадпрыемстваў Беларусі і некалькі банкаў. Гэта толькі за некалькі апошніх месяцаў.
Маскоўская гэбельсаўшчына можа колькі заўгодна тлуміць галаву аўстрыйцам і іншым заходнікам сваімі “крёстнымі отцамі”. А вось затлуміць беларускіх патрыётаў ня ўдасца. Беларусы разабраліся, што ўвесь гэты “дэскрыдытацыйны вэрхал” з Масквы робіцца з галоўнай мэтай – каб беларусы пайшлі на псэўдавыбары дыктатуры і “казалі сваё НЕ” дыктатару. Маўляў, давайце, рабяты, валіць яго, бо яго ўжо і Масква не падтрымлівае… Такога шматхадовага і маштабнага жульніцтва мы даўно ня бачылі ў сваёй краіне. Сродак на жулікаў – Народны Байкот псэўдавыбараў!

Юрка Марозаў

***

Дацкая газэта “Politiken”.
16 жніўня 2010 г. Дацкая газэта “Politiken” апублікавала артыкул пад тытулам “Расея хавае лічбу памерлых ад сьпекі”. Расейскія грамадзяне кажуць замежным журналістам пра правал сістэмы аховы здароўя ў Расеі. Адзін маскоўскі лекар ананімна паведаміў, што яму і ягоным калегам афіцыйна забаранілі ставіць дыягназ сьмерці “ад цеплавога ўдару”. Мэдыкаў абавязалі ставіць “менш страшныя дыягназы”.
Наш камэнтар: Вогненная катастрофа паказала ўсім, на што здольны маскоўскі гэбізм.

Алесь Хадасевіч
***

Славацкая газэта “SME”.
16 жніўня 2010 г. Славацкая газэта “SME” апублікавала артыкул пад тытулам “Медведев плянуе ігнараваць беларускага прэзыдэнта, бо той не выконвае свайго абяцаньня”. Медведев, кажуць, нават не сустрэнецца з Лукашэнкам на жнівеньскім саміце СНД. Усё за тое, што Лукашэнка абяцаў, але дагэтуль не прызнаў незалежнасьць Абхазіі і П. Асэціі.
Наш камэнтар: Якая інтрыга! Ёсьць пра што пісаць з рэгіёна. І ў многіх СМІ сьвету паўтараецца гэты сфабрыкаваны на Лубянцы анэкдот пра “незалежніка” Лукашэнку і Маскву, зь якой ён “на нажах”. Вось такі ўзровень заходняй аналітыкі, якая ловіцца на любую яркую блясну Крамля-Лубянкі.

Юрка Марозаў
***

Польская газэта “Rzeczpospolita”.
16 жніўня 2010 г. Польская газэта “Rzeczpospolita” напісала пра ўрачыстасьці ў Лёндане з нагоды 65-й гадавіны VJ Day (перамогі над Японіяй у 1945 годзе). Адбыліся вайсковыя цырымоніі і парад у цэнтры Лёндану. Кіраваў мерапрыемствамі сын маршала Вільяма Сліма, які падчас вайны камандваў брытанска-індыйскай арміяй, што 4 гады змагалася супраць японцаў у Бірме. У вайне на Далёкім Усходзе загінула 30 тысячаў брытанскіх вайскоўцаў. 12,5 тысячаў зь іх загінулі ў японскіх лягярох ваеннапалонных. Вэтэраны і гісторыкі штогод нагадваюць пра “забытую армію” (як самы назвалі сваю армію жаўнеры), якая пасьля перамогі над Нямеччынай яшчэ некалькі месяцаў ваявала супраць ворага.
Наш камэнтар: Многія тысячы беларускіх жаўнераў і афіцэраў ваявалі супраць японцаў у 1938-39 і ў 1945 гадах у складзе Чырвонай арміі і ваеннага флёту. Абавязкам нашай гістарычнай навукі ёсьць высьвятленьне лёсаў нашых людзей у той сапраўды забытай вайне. Але гэта магчыма толькі пасьля падзеньня антынароднага рэжыму.

Алесь Хадасевіч

***

Швайцарская газэта “Neue Zuercher Zeitung”.
17 жніўня 2010 г. Швайцарская газэта “Neue Zuercher Zeitung” паведаміла пра сьмерць у афінскім шпіталі 87-гадовага Дзімітрыяса Іаанідзіса. У часы панаваньня ў Грэцыі рэжыму правай дыктатуры “чорных палкоўнікаў” (1967-74) Іаанідзіс быў начальнікам крывавай спэцслужбы рэжыму ESA. У 1973 годзе ён зьдзейсьніў путч і захапіў пэрсанальную ўладу ў краіне. Але праз некалькі месяцаў рэжым хунты праваліўся ў сувязі з правалам інвазіі на Кіпр. Іаанідзіса прыгаварылі да пажыцьцёвага турэмнага зьняволеньня. Ён там і сядзеў да апошніх дзён.
Наш камэнтар: У Грэцыі, як толькі дарвалася да ўлады спэцслужба рэжыму, то настаў канец хунце. У сёньняшняй Расеі КГБ-ФСБ трымае абсалютную ўладу ў імпэрыі ў адкрытую ўжо больш за 10 гадоў. Вынікі гэтага панаваньня катастрафічныя для расейскага народу і навакольнага сьвету. Логіка гісторыі паказавае, што такі рэжым усяроўна абваліцца і гэтым разам разам зь ім абваліцца імпэрыя.

Юрка Марозаў

***

Польская газэта “Rzeczpospolita”.
17 жніўня 2010 г. Польская газэта “Rzeczpospolita” паведаміла пра невялікую акцыю ў Менску, прысьвечаную “зьніклым”. На фота стаяць асобы з патрэтамі Ганчара, Захаранкі. Стаіць з партрэтам і Саннікаў.
Наш камэнтар: Польскія журналісты як заўсёды не заўважылі важную дэталь. На гэтай і на іншых акцыях псэўдаапазыцыі няма і не было аніводнага нацыянальнага Бел-Чырвона-Белага Сьцягу. Ён ім не патрэбны. Яны “пратэстуюць” без яго. Польскія змагары супраць камуны і расейскай акупацыі заўсёды дэманстравалі пад нацыянальнымі сьцягамі.

Алесь Хадасевіч

***

Румынская газэта “Adevarul”.
18 жніўня 2010 г. Румынская газэта “Adevarul” пісала пра арышт і выдаленьне з Масквы румынскага дыпламата Грэку. Масква абвінавачвае яго ў шпіёнскай дзейнасьці. У адказ Румынія высылае з такой жа фармулёўкай аднаго расейскага дыпламата. Урад краіны сьцьвярджае, што акцыя Масквы мае на мэце пагаршэньне дачыненьняў з Румыніяй і Малдовай, каб не дапусьціць стабілізацыі нацыянальнага ўраду Малдовы, які падтрымлівае Румынія. У расейскіх СМІ разгорнута антырумынская кампанія.
Наш камэнтар: Пасьля правалу ў 2009 годзе прамаскоўскай камуністычнай хунты Вароніна Масква імкнецца дэстабілізаваць сітуацыю ў гэтым рэгіёне і не дапусьціць узмацненьня румынскай салідарнасьці.

Алесь Хадасевіч

***

Нідэрляндская газэта “De Telegraaf”.
18 жніўня 2010 г. Нідэрляндская газэта “De Telegraaf” паведаміла пра ўвядзеньне ў Маскве антыалкагольнага правіла. Цяпер тут ня будць прадаваць моцны алкаголь з 22.00 да 10.00. Паводле газэты, 500 тысячаў расейцаў штогод паміраюць ад алкагалізма. Працягласьць жыцьця мужчын у Расеі меншая, чым у Бангладэш.
Наш камэнтар: Пра гэта пішуць усе СМІ сьвету. Постсавецкія людзі, аднак, ведаюць, што ў Маскве нічога ня зьменіцца, а стане горш. “Дорогіе москвічі” будуць актыўней піць мыйныя сродкі, шампуні і іншыя зьнішчальныя напоі. Расквітнее падпольны гандль гарэлкай. Але заява маскоўскага начальства прагучала прыгожа і ваяўніча…

Алесь Хадасевіч
***

Бэльгійская газэта “Le Soir”.
18 жніўня 2010 г. Бэльгійская газэта “Le Soir” паведаміла пра выбух у расейскім Пяцігорску. Паводле расейскіх уладаў, паранены 22 чалавекі.
Наш камэнтар: Масква ўжо заявіла, што выбух зрабілі “каўказкія экстрэмісты”. Гатовая чарговая зачэпка для нянавісьці і апраўданьне для імпэрскай атакі на каўказкія народы. Але нават расейскія тэлеканалы паказваюць сьведкаў і пацярпелых, якія ў сваіх прамовах анісловам ня згадваюць каўказцаў. Людзі даўно ўжо здагадаліся аб лубянскім паходжаньні гэтага тэрарызма.

Юрка Марозаў

18/8/2010 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Жнівень 2010
П А С Ч П С Н
« Ліп   Вер »
 1
2345678
9101112131415
16171819202122
23242526272829
3031  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ


Беларуская Салідарнасьць // 2000—2024