Bielarus.net Навіны // Аналітыка // Курапаты // Форум
be pl en
Беларуская Салідарнасьць
Bielarus.net
Плятформа «Беларуская Салідарнасць»

Факты і падзеі (16-18 лістапада 2007 г.)

16 лістапада драматычныя зьвесткі паступілі з сібірскага Омска. Тамака міліцыя арыштавала вялікую колькасьць улётак СПС у друкарні “Алые паруса”.
Мясцовыя кандыдаты ад СПС Н. Ефімкін, В. Шіршов і Т. Алексашіна пачалі галадоўку пратэсту супраць гэтай выбарчай рэпрэсіі.. І гэта толькі чарговы эпізод разьвіцьця гэбоўска-лубянскіх сюжэту ў Расеі.

У Растове-на-Доне 16 лістапада адбыўся масавы мітынг. На мітынгу выступіў начальнік ФСБ Патрушаў. Ён жа раздаваў ключы жыхарам 16-паверхавага дома і абяцаў “решить жилищный вопрос чекистов в к 2010 году”. Жыхарамі зьяўляюцца, зразумела, мясцовыя чэкісты. Для іх закладзены яшчэ тры дамы ў Растове. Гэта ня першая такая акцыя Крамля-Лубянкі. Перад выбарчым рыўком Пуцін значна павысіў заробкі вайскоўцам, Патрушаў увіхаецца каля сваіх кадраў. Калі чуеш пра іхную “жілішчную проблему”, то так і ўяўляеш са спачуваньнем, як пасьля дзяжурства на “падслушцы” або пасьля чарговай правакацыі доблесныя дзяржынцы ідуць адсыпацца на вакзалы і сьметнікі, у калектарныя тунэлі і на паддашкі. Але праз тры гады іхныя пакуты ўрэшце скончацца.

Са Спаскай вежы Крамля махнулі хусьцінкай і адбыўся чарговы міжнародны забег агентуры. У Косаве актыўна кандыдуе на парляманцкіх выбарах швайцарскі албанец Паколі, вядомы жулік, які краў грошы разам з начальнікам СНД Барадзіным падчас “рэмонта крамлёўскіх палатаў” сем гадоў таму. А ў Брусэлі падняўся італьянскі эўрадэпутат Джульета К’еза. Ён прабівае з трыбуны пытаньне пра “нелегальныя амэрыканскія турмы ва Украіне”. Маўляў, амэрыканцы фрахтуюць падпольныя турмы на тэрыторыі Украіны для зьняволеньня там палонных ісламістаў, якіх вязуць транзітам у Гуантанама. У заходніх СМІ на пару дзён гэта стала сэнсацыяй. А мінабароны Украіны заявіла, што “усё гэта лухта і няпраўда”. Якая сувязь паміж гэтымі падзеямі ў Косаве і Брусэлі. Сувязь неасьцярожна раскрыла расейскае тэлебачаньне, на якім выступіў згаданы Джульета К’еза. Выступіў на вельмі прыстойнай расейшчыне, у паперку не заглядаў, прамаўляў вельмі эмацыйна і без запінкі. Памятаем, што Паколі таксама ўмее вельмі тэмпэрамэнтна размаўляць па-расейску (памылкі яго не бянтэжаць). Выглядае так, што яны зафрахтаваныя Масквой яшчэ з часоў камсамольскага юнацтва.

18 лістапада расейскае тэлебачаньне давала рэпартаж з Косава. Прамаскоўскі кандыдат Паколі на парляманцкіх выбарах у гэтай правінцыі праваліўся. Выбары выйграў папулярны ў народзе партызанскі камандзёр Тачы. У пераможным выступе на цэнтральнай плошчы Прышціны ён заявіў, што ў бліжэйшы час будзе абвешчана незалежнасьць Косава ад Сербіі. Па тэлекамэнтарах адчувалася, што маскоўцаў аж калоціць ад гэтых падзеяў. Валіцца яшчэ адзін бастыён зьнешняй расейскай імпэрыі. Албанскі народ даўно ўжо не арыентуецца на Маскву. Засталіся толькі няшчасныя сербы, якія зьяўляюцца меншасьцю ў Косаве. У 1998 годзе яны масава танцавалі на ўзбочынах косаўскіх дарог, калі сербскія карнікі гналі сотні тысячаў албанцаў прэч з Косава. Танцы скончыліся разгромам сербскай арміі і вяртаньнем албанцаў у Косава. Каб крыху разбавіць горкую пігулку, расейская тэлегрупа заехала ў сербскую частку косаўскага горада Мітровіцы і ўсё спачувала сербам. Не абышлося і без маскоўскай фальшыўкі. Тэлебачаньне паказала новы бронзавы помнік у Мітровіцы і патлумачыла, што “грошы на яго сабрала ўдзячнае Расеі мясцовае сербскае насельніцтва”. Манумэнт прадстаўляе расейскага дыплямата Шчарбіну (паводле прозьвішча зразумела, што з беларусаў не адзін Грамыка рабіў кар’еру ў крамлёўскай дыпляматыі), якога косаўскія албанцы застрэлілі ў 1903 годзе. Больш гаротным сербам няма чым заняцца, як зьбіраць грошы на помнікі крамлёўскім пэрсанажам. Зразумела, што бронзавую фігуру прывезьлі з Масквы і на грошы расейскіх падаткаплацельшчыкаў.

Янка Базыль

23/11/2007 › Актуаліі


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Лістапад 2007
П А С Ч П С Н
« Кас   Сьн »
 1234
567891011
12131415161718
19202122232425
2627282930  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ

Народная Перамога

[ Усе сябры ]




Лічыльнік:


Беларуская Салідарнасьць // Усе правы абароненыя // 2000—2020
Сувязь