Bielarus.net Навіны // Аналітыка // Курапаты // Форум
be pl en
Беларуская Салідарнасьць
Bielarus.net
Плятформа «Беларуская Салідарнасць»

Прэс-рэліз (20-24 кастрычніка 2007 г.)

20 кастрычніка быў зьдзейсьнены акт вандалізму ва Украіне. Трое маладых актывістаў расейскага “Евразійского союза молодёжі” ускараскаліся на гару Гавэрла ў Івана-Фрнкоўскай вобласьці. Яны зьнішчылі там выявы дзяржаўных сьцяга і гэрба Украіны, а таксама памятную шыльду. Спэцслужбы Украіны апэратыўна высьветлілі імёны вандалаў, якія схаваліся ў Расеі. Урад Украіны абвясьціў пэрсонай нон грата маскоўскага генсека гэтага “саюза” А Дугіна. Калі ў краіне існуе сапраўдная нацыянальная ўлада, то вандалы адлоўліваюцца вельмі апэратыўна.

24 кастрычніка ў Маскве абвясьцілі пра “поўную” (але пакуль яшчэ не “окончательную”) перамогу пуцінскага капіталізма-камунізма. Памошчнік Пуціна Ігар Шувалаў выступаў на паседжаньні Амэрыканска-расейскай дзелавой рады і сказаў сярод лічбаў і статыстычных выкладак: “В этом году мы будем иметь темпы роста ВВП небывалые… Растёт уровень жизни населения…” Беспардонная хлусьня ідзе трыюмфальным шэсьцем па перадвыбарчай Расеі пасярод народнай галечы, жудаснай крымінальшчыны і ўзбагачэньня гэбоўскіх элітаў.

Расейскія СМІ паведамілі пра “цяжкасьці” з выканананьем дзяржаўнай праграмы “перасяленьня суайчыньнікаў з замежжа ў Расею”. Праграму абвясьцілі пад барабанны бой у сьнежні 2006 г. На працягу наступнага часу штомесяц у рамках гэтай праграмы вярталіся ў імпэрыю роўна па два суайчыньнікі (!). Кажуць, што яшчэ тры тысячы напісалі заявы. Дарэчы, большасьць суайчыньнікаў рвецца ў заходнюю Калінінградскую вобласьць. У Сібір і галодныя рэгіёны эўрапейскай часткі ехаць “няма дурных”. Дарэчы Масква і Пецярбург заявілі, што ня будуць прымаць суайчыньнікаў (яшчэ адно “няма дурных”, толькі з адваротнага боку). Правал праекта вяртаньня расейцаў у Расею – сур’ёзны сімптом агульнага правалу Расеі. Як тут ня ўспомніць нядаўні панэгірык ад думскага начальніка Грызлова: “Путин – это Россия, Россия – это Путин”.

Апошнім часам у псэўдаапазыцыйным асяроддзі актыўна культывуецца “электаральная” тэма. Наперадзе зьезд групоўкі В. Вячоркі (народ называе яе трапна – псэўда-БНФ). У сувязі з гэтым В. Івашкевіч заявіў пра сваё балатаваньне на пасаду старшыні гэтай групоўкі. Журналісты ўхапіліся за “сэнсацыю”, разгарнуліся тэарэтызаваньні і прагназаваньні. На наш погляд, усё гэта ад нячысьціка. Ніхто нікога на пасадзе “лідэра” у гэтай групоўцы замяняць ня будзе. В. Вячорка цалкам задавальняе псэўдаапазыцыйны эстэблішмэнт, ён ідэальна засвоіўся з роляй ценявога падпявалы сапраўднага начальніка “аб’яднанай дэмакратыі” камуніста С. Калякіна. У параўнаньні з шэрым і банальным Вячоркам эпікурэец Івашкевіч выглядае арыгіналам. Яны побач — як чыноўнік з папачкай і адстаўны гусар тыпу гогалеўскага Наздрова. Івашкевіч мог бы ўнесьці ў псэўдаапазыцыю залішні шум і непатрэбную валтузьню – а гэтага вельмі не хацелі б рэжымныя гаспадары “мёртвых душаў” псэўдаапазыцыі. Палацавая рэвалюцыя ў чарговы раз не адбудзецца.

Янка Базыль

25/10/2007 › Актуаліі


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Кастрычнік 2007
П А С Ч П С Н
« Вер   Ліс »
1234567
891011121314
15161718192021
22232425262728
293031  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ

Народная Перамога

[ Усе сябры ]




Лічыльнік:


Беларуская Салідарнасьць // Усе правы абароненыя // 2000—2020
Сувязь