Bielarus.net Навіны // Аналітыка // Курапаты // Форум
be pl en
Беларуская Салідарнасьць
Bielarus.net
Плятформа «Беларуская Салідарнасць»

Прэс-рэліз (2-4 жніўня 2007 г.)

У Крамлі 2 жніўня гаварылі пра Далёкі Усход. Рэй вёў прэм’ер Фрадкоў, надзвычай вясёлы і жвавы (нібыта вырашыў усе ўсходнія праблемы і падводзіў аптымістычныя вынікі).

Аказалася, аднак, што ўсё якраз наадварот. Крамлёўцы сазналіся, што расейскае насельніцтва на гэтай агромнай тэрыторыі імкліва “змяншаецца” (больш канкрэтна кажучы: уцякае, а ў асноўным вымірае). Менш за 9 мільёнаў “дорогіх россіян” маюць па суседству за памежнай ракой некалькі сотняў мільёнаў кітайцаў (Фрадкоў не згадаў, што кітайцы актыўна засяляюць прасторы далёкаўсходняга рэгіёну). На агучаныя факты эканамічна-сацыяльнай недаразьвітасьці і выміраньня Фрадкова працяў гульлівы імпэт. Ён запрапанаваў аднавіць на Усходзе “комсомольскіе стройкі”, а самае галоўнае – накіраваць маскоўскае начальства жыць і працаваць на прыкітайскіх тэрыторыях. Іронію начальніка аўдыторыя зразумела адэкватна, заля весела і аглушальна зарагатала. Усе ведаюць, што нікога ніхто высылаць з Масквы ня будзе. Бо памятаюць, чым скончылася спроба ператусоўкі партыйна-гаспадарчых кадраў, напрыклад, для Хрушчова ў 1964 г., калі напалоханае начальства апэратыўна скінула яго з трона генсека. Трэба меркаваць, што туды, дзе Макар цялят не пасьвіў, крамлёўцы зьбіраюцца паслаць беларусаў у рамках абяцанага Пуціным “антрапапатока” дзеля амалажэньня Расеі. У нас яны не пытаюцца, упэўненыя ў легендарнай паслухмянасьці нашых людзей. Трэба будзе нам салідарна расчараваць крамлёўскіх рабаўладальнікаў.

3 жніўня Грузія выставіла газавы рахунак Расеі. Гендырэктар грузінскай Карпарацыі газу і нафты А. Хетагуры заявіў у Тбілісі, што Расея абавязана выплаціць Грузіі запазычанасьць у два мільёны даляраў за транспарціроўку транзітам праз грузінскую тэрыторыю газу ў Арменію. Грузія гатова прыняць запазыку грашыма або газавымі пастаўкамі. Вось сапраўдныя дзяржаўныя паводзіны кіраўніцтва ў незалежнай дзяржаве. Які яркі кантраст з халуйскай мітусьлівасьцю менскага рэжыма. Такое ўжо было і ня раз у найноўшай гісторыі. Калі ў 1992 годзе раздзялілася Чэхаславаччына, Масква выставіла ўльтыматум на калясальную суму кіраўніцтву Славаччыны: маўляў, плаціце па запазычанасьцях за газ. Але славакі, аказваецца, рыхтаваліся да сваёй незалежнасьці. Яны падсунулі пад нос крамлёўскім рэвізорам свае рахункі, паводле якіх якраз Расея была вінаватая маладой рэспубліцы мільёны даляраў за транзіт праз сваю тэрыторыю. Драпежнікі адсталі ад славакаў. Вяртаючыся да чарговай газавай істэрыкі, якая разгарнулася ў Беларусі, трэба не забывацца пра факты недалёкай мінуўшчыны. Лукашэнка днямі заклікаў “топіть древесіной”, “возобновлять мазутные установкі”. Але людзі памятаюць, што рэзкі пераход на поўную залежнасьць ад расейскага газу адбыўся ў Беларусі ў 1995-96 гг. Тады прамаскоўскі рэжым “молодого презідента” загадаў распілоўваць апаратуру, якая працавала на мазуце (менавіта зьнішчаць, каб нельга было нават спадзявацца на нейкую альтэрнатыву газаваму расейскаму рабству). Шалёны загад быў выкананы. Цяпер народ становіцца ахвярай злачыннай авантуры. У маскоўскай і калямаскоўскай прапагандзе зноў на поўніцу зашумелі-загалёкалі пра тое, што “беларусы на працягу гадоў былі на газавым утрыманьні ў Расеі, што пара канчаць з гэтай безгаспадарнай палітыкай у адносінах да менскага саюзьніка, які карміўся расейскім багацьцем без комплексаў” і г.д. Нармальнае, сапраўднае (а не падстаўное) дзяржкіраўніцтва Беларусі на гэты вэрхал і ўльтыматумы выставіла б Маскве, як гэта зрабілі славакі і грузіны, свой цьвярозы рахунак: патрабаваньне плаціць за транзіт праз нашу тэрыторыю, за вайсковыя базы, за адкрытую мяжу. І ўсім стала б зразумела, што гэта якраз Масква мае шалёныя запазычанасьці перад Беларусьсю. Але для правядзеньня нацыянальнай палітыкі павінен быць нацыянальны ўрад.

Вайна ўсіх супраць усіх. 4 жніўня ўначы каля маскоўскага стадыёна “Лакаматыў” адбылася “сямейная сцэна”. Муж і жонка доўга крычалі і лаяліся адзін на аднаго. Потым мужчына дастаў з кішэняў пісталет і гранату, вырваў чаку. Граната выбухнула ў ягоных руках і адарвала яму кісьць. Жонка атрымала аскелачныя раненьні. Адным словам, “подмосквные вечера”…

Вядомы некалі савецкі дысыдэнт Уладзімер Букоўскі наведаў 3 жніўня кансулят Расеі ў Лёндане і атрымаў там навюсенькі пашпарт грамадзяніна РФ (з 1976 г. экс-дысыдэнт жыве ў Брытаніі). Візіт вельмі дзіўны і недарэчны, калі улічваць, што якраз у гэтыя дні разгортваецца чарговы акт брытанска-маскоўскага міждзяржаўнага крызісу. Па тэлебачаньні паказваюць А. Лугавога, забойцу А. Літвіненкі. Ён і “незавісімые эксперты” расказваюць, што брытанскі грамадзянін Літвіненка сам сябе забіў “з прычыны неасьцярожнага карыстаньня атрутнымі рэчывамі”. Масква заяўляе, што ня выдасьць Лугавога на сьледства і суд у Брытанію, пагражае санкцыямі і г.д. А ў гэты самы час колішні герой-ненавісьнік гэбоўскага рэжыму ідзе ў расейскі кансулят і дэманстрацыйна атаварваецца пашпартам некалі раскрытыкаванай ім імпэрыі. І ўсё дзеля таго, каб выставіць сваю кандыдатуру на прэзыдэнцкія выбары 2008 г. у Расеі. Яго, аднак, вельмі тэрмінова расчаравалі. ужо на наступны дзень, 4 жніўня ў Маскве выступіла сябра ЦВК РФ Е. Дубровіна. Яна заявіла, што Букоўскі ня будзе зарэгістраваны кандыдатам, бо больш за 10 гадоў не жыве ў Расеі і мае падвойнае грамадзянства. Шкада, а так хацелася экс-дысідэнту падсабраць на Захадзе грантаўскіх грошай “на победу русской демократіі”.

Янка Базыль

4/8/2007 › Актуаліі


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Жнівень 2007
П А С Ч П С Н
« Ліп   Вер »
 12345
6789101112
13141516171819
20212223242526
2728293031  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ

Народная Перамога

[ Усе сябры ]




Лічыльнік:


Беларуская Салідарнасьць // Усе правы абароненыя // 2000—2022
Сувязь