Bielarus.net Навіны // Аналітыка // Курапаты // Форум
be pl en
Беларуская Салідарнасьць
Bielarus.net
Плятформа «Беларуская Салідарнасць»

Вянок памяці: Алесь Юршэвіч

27 сакавіка ў Мёрах родныя і сябры разьвіталіся з Алесем Юршэвічам. Гэта быў адзін з самых актыўных удзельнікаў Саюзу беларускіх патрыётаў — паваеннай падпольнай моладзевай арганізацыі, якая ставіла на мэце супраціў русіфікацыі і стварэньне незалежнай Беларусі.

Глыбоцкія і пастаўскія юнакі і дзяўчаты ўступалі ў Саюз беларускіх патрыётаў, даючы прысягу, у якой былі наступныя словы:

“Я, уступаючы ў Саюз беларускіх патрыётаў, прысягаю перад Бацькаўшчынай і беларускім народам, што заўсёды буду верны ідэалам свабоды і незалежнасьці Беларусі. Калі ж па слабасьці сваёй або па злому намеру я парушу гэтую прысягу і выдам тайну сяброў, хай пакарае мяне Бог ганебнай сьмерцю здрадніка Радзімы”.

Прыгадвае сябра Алеся Юршэвіча і ягоны аднадумца з глыбоцкай суполкі СБМ Антось Фурс:

“Разам мы напісалі Статут арганізацыі й таксама прысягу. Потым прынялі яе і пастаўскія, і мы. Мы з самых юнацкіх гадоў былі сьвядомыя людзі”.

Алесь Юршэвіч нарадзіўся 1 студзеня 1928 году ў вёсцы Курылавічы на Дзісеншчыне. Пасьля заканчэньня Язьненскай сямігодкі працягнуў вучобу ў Глыбоцкай школе №1.

Тады ж, у 1945-м, ён разам зь сябрамі з Глыбоцкае пэдвучэльні й вырашыў наладжваць пасільны супраціў русіфікацыі і весьці сярод моладзі прапаганду за стварэньне незалежнае Беларусі. Падпольная праца доўжылася два гады. У 1947 годзе СБМ быў разгромлены НКВД.

Алеся Юршэвіча прысудзілі да расстрэлу. Але потым зьмянілі сьмяротны прысуд на 25 гадоў зьняволеньня.

У 1956 годзе пасьля вызваленьня з канцлягеру ён вярнуўся ў Беларусь. Жыў у Мёрах, працаваў будаўніком і дапамагаў усім былым эсбээмаўцам.

Гаворыць Марыя Бялевіч:

“Пасьля таго, як ён вызваліўся, мы былі вельмі добрымі сябрамі. Заўсёды прыяжджаў, заўсёды цікавіўся… Калі было кепска каму, ён дапамагаў… Стараўся дастаць лекі… Вельмі добры, шчыры, сумленны чалавек”.

Пра страчаных сяброў Алесь Юршэвіч таксама памятаў. Апавядае старшыня культурна-асьветнага цэнтру імя Язэпа Драздовіча Ада Райчонак:

“Гэта чалавек вельмі адукаваны, вельмі разумны. Ён увесь час марыў у гонар сваіх загінулых сяброў пасадзіць у Курапатах алею каштанаў. Летась увесну ён гэта зьдзейсьніў”.

Зьдзейсьнілася яго мара і пра годнага сына.

“Бацька вельмі многа даў мне, і яшчэ шмат прыйдзецца перагледзець і пераасэнсаваць мне ў жыцьці. Бацька быў чалавек вельмі моцны, ён змусіў задумацца над шмат чым”,— сказаў Віктар Юршэвіч.

Алесь Юршэвіч памёр 26 сакавіка пасьля цяжкай і працяглай хваробы. Пахаваны 27 сакавіка ў Мёрах на гарадзкіх могілках. У яго засталіся сын Віктар, дачка Алена, унук Улад і ўнучка Наста.

Паводле Радыё Свабода

27/3/2007 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Сакавік 2007
П А С Ч П С Н
« Люты   Кра »
 1234
567891011
12131415161718
19202122232425
262728293031  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ

Народная Перамога

[ Усе сябры ]




Лічыльнік:


Беларуская Салідарнасьць // Усе правы абароненыя // 2000—2022
Сувязь