Bielarus.net Навіны // Аналітыка // Курапаты // Форум
be pl en
Беларуская Салідарнасьць
Bielarus.net
Плятформа «Беларуская Салідарнасць»

Факты і падзеі (2-7 лютага 2007 г.)

Першы сігнал дыктатуры ад псэўдаапазыцыі паступіў ад сумнавядомага кіраўніка “Хартыі-97” Бандарэнкі. Яшчэ на пачатку лютага ён пачаў заклікаць Лукашэнку і ў цэлым антыбеларускі рэжым “разам адзначыць сьвята 25 Сакавіка”. Многія паціснулі плячыма, у чатах Бандарэнку абсьмяялі. Але ўсё, аказваецца, вельмі сур’ёзна. 7 лютага пад грукат барабанаў “адзіны дэмакрат” Мілінкевіч зьвярнуўся да Лукашэнкі з адпаведным лістом. Ён запрашае шклоўскага лідэра да “дыялёгу”, да “сумеснага сьвяткаваньня 25 сакавіка, які такі ж, як 3 ліпеня”, да “згоды і адзінства”. Зразумела, што гэтыя “ребята” адразу адчулі зьмену кан’юнктуры. Пасьля нядаўняга візыту ў Менск эўраначальніка з ПАРЭ Ван дэр Ліндэна і ягоных абяцанак эўрапейскай дружбы з антыбеларускім рэжымам “праваабаронцы” уключыліся ў працэс “адзінства”. Каго ж гэта сп. Мілінкевіч запрашае выйсьці на сьвяткаваньне Дня Волі? Кіраўнік рэжыму, які на працягу гадоў наладжваў дзікія рэпрэсіі беларусам, што адзначалі Дзень Волі. Ён запрашае “яднацца” з дыктатарам, які давёў да глыбокага крызісу і ізаляцыі нашу краіну. Можа рэжым спыніў шалёную русіфікацыю, можа адкрылася праўда аб зьніклых палітыках (пра якіх столькі казалі Бандарэнка з Мілінкевічам)? Не – русіфікацыя працягваецца, рэпрэсіі ўзмацняюцца. Але няхай яно так і будзе. Няхай бы яны ўсе разам сабраліся на бангалорскім балоце хоць 25 сакавіка, хоць у іншы дзень. Сумленныя беларусы убачылі б, што уся гэтая псэўда-апазыцыя і антыбеларускі рэжым – гэта адно і тое ж, кіруемае і фальшывае. Беларусы не павінны сьвяткаваць Дзень Волі з гэтай хеўрай.

Цёмная і ўскаламучаная “таямнічая руская душа” шукае апірышча ў чорнай магіі. 2 лютага ва Уладзівастоку судзілі “целітеля” Маірбэка Бэгізава. На працягу некалькіх гадоў да гэтага чараўніка ішлі з пачакамі грошай натоўпы расейцаў. За пэўную квоту ён абяцаў ім выздараўленьне ад усіх хваробаў і шчасьце ў жыцьці, раздаваў свае мікстуры. У зале суда Маірбэк сьмяяўся і казаў журналістам: “А што ж рабіць, калі яны мне вераць?” Натоўп наракаў перад тэлекамэрай, што мікстуры не дапамагаюць. Цікава, што нягледзячы на судовы працэс рэклямныя звароты “целітеля” Маірбэка рэгулярна зьяўляюцца ў мясцовых газэтах.

3 лютага расейскія тэлеканалы паказалі жудасны сюжэт. У лесе каля сібірскага горада Ніжняга Тагіла выпадкова была знойдзена яма, поўная трупаў. Забойцы закапалі толькі ў гэтым месцы 18 трупаў маладых дзяўчат (16-20-гадовых). Ніхто б іх не знайшоў у глухім лесе, але дзікія зьвяры раскапалі яму і пачалі цягаць паўсюль чалавечыя парэшткі. Ужо арыштаваныя забойцы. Пяцёра маладзёнаў (чацьвёра з іх – браты і стрыечныя браты) на працягу гадоў займаліся бізнэсам. Пад прыкрыцьцём сямейнай аўтарамонтнай майстэрні яны арганізоўвалі прастытуцыю. Некаторых з дзяўчат яны далучылі да прастытуцыі гвалтоўна. Тых, хто “адпрацаваў сваё” альбо спрабаваў вырвацца з пекла, яны забівалі. Акрамя знойдзенай ямы, “бізнэсоўцы” мелі яшчэ некалькі месцаў забойства і пахаваньня ахвяраў. Навіна толькі адзін раз прамільгнула на расейскім тэлебачаньні і зьнікла назаўжды. Такое часам здараецца ў розных, нават цывілізаваных краінах. Але факты масавых забойстваў абмяркоўваюцца ў грамадзтве, робяцца вынікі аб эфэктыўнасьці палітычнай ўлады, паліцэйскай сістэмы і аб маральным стане грамадзтва. Лубянская кантора апэратыўна загадала схаваць справу пад лаву і гукнуць сваё “жізнь продолжается, товарішчі!” На сваёй прэс-канфэрэнцыі ў Маскве для дзьвюх тысячаў журналістаў Пуцін шмат сьмяяўся, жартаваў, нават груба куражыўся (пра гэта паведамляюць сотні СМІ розных краінаў). Што ж не згадаў ён анісловам пра сібірскі кашмар, пра лакальны Равэнсбрук (так называўся знакаміты гітлерскі канцлягер для жанчын), наладжаны ў тагільскіх сьнягах? А навошта? “Жізнь же продолжается…” Нагадаем, што крамлёўская банда па дамоўленасьці з Брусэлям мяркуе арганізаваць інтэграцыю-акупацыю Беларусі ў сваё “союзное государство”, а потым паслаць мільёны беларусаў на нафта-газавыя сьвідравіны менавіта ў Ніжні Тагіл і іншыя жудасныя месцы.

7 лютага шасьцёра “ребят” загрузіліся ў самалёт “Аэрафлоту” у маскоўскім аэрапорце. Яны былі ўжо ў адпаведным стане расейскіх “отдыхаюшчіх” – упітыя гарэлкай і агрэсіўныя. Не пасьпеў самалёт узьляцець, як яны ўшчалі бойку ў салёне і пачалі ламіцца ў кабіну пілётаў. Нават міліцыя ня здолела даць рады гэтай бандзе. Давялося выклікаць спэцназ, які ўрэшце скруціў бандытаў. Вядома, што ў заходніх турагенствах даўно ўжо існуе адмысловая турпаслуга (вельмі папулярная). Называецца яна – “адпачынак без рускіх”. Кліентам гарантуюць, што ў іхным гатэлі, на іхным пляжы і ў іхнай зоне пад пальмамі ня будзе “отдыхаюшчіх”. Цывілізаваныя людзі даволі нацярпеліся расейскага хамства, гнюснасьці і цынізму. Нават у некаторых беларускіх турфірмах вам прыязна падкажуць: “Мы гарантуем, што рускіх турыстаў у вашым гатэлі ня будзе…”

Янка Базыль

7/2/2007 › Актуаліі


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Люты 2007
П А С Ч П С Н
« Сту   Сак »
 1234
567891011
12131415161718
19202122232425
262728  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ

Народная Перамога

[ Усе сябры ]




Лічыльнік:


Беларуская Салідарнасьць // Усе правы абароненыя // 2000—2022
Сувязь