Bielarus.net Навіны // Аналітыка // Курапаты
be pl en
Беларуская Салідарнасьць
Bielarus.net
Плятформа «Беларуская Салідарнасць»

У Курапатах адбылася чарговая талака

Сёньня ў Курапатах адбылася талака. Яе ўдзельнікі пачалі высаджваць у розных месцах урочышча саджанцы каштанаў, які вырасьціў у Мёрах былы вязень ГУЛАГу.

80-гадовы спадар Аляксандар зь Мёраў больш за 20 гадоў правёў у сталінскіх лягерах. Ён дагэтуль не адчувае сябе ў бясьпецы, і таму папрасіў не называць ягонага прозьвішча ў эфіры. Спадар Аляксандар вырасьціў на сваім падворку 55 саджанцаў каштанаў з тым, каб іх высадзілі ў Курапатах. Старшыня Хрысьціянскай злучнасьці “Курапаты” Вацлаў Нямковіч зь вялікай павагай ставіцца да гэтай ініцыятывы былога вязьню ГУЛАГу.

(Нямковіч: ) “Мне падаецца, ён вельмі рэдкі чалавек. І вэтэран вайны, і сябра асацыяцыі ахвяр палітычных рэпрэсій. Ён на сваім агародзе ў Мёрах вырасьціў вельмі прыгожыя каштаны”.

Актывіст Кансэрватыўна-Хрысьціянскай Партыі - БНФ Пятро Шашкель мяркуе, што за адзін дзень не атрымаецца высадзіць усе саджанцы.

(Шашкель: ) “Плянуем сёньня пасадзіць 10 дрэўцаў. Астатнія 45 пасадзім у наступную суботу. А можа, і па вечарах будзем прыходзіць, паколькі ўсе тэрміны для пасадкі дрэваў ужо праходзяць”.

Калі былы вязень сталінскіх лягераў дагэтуль баіцца рэпрэсій з боку ўлады і ня хоча гаварыць пры ўключаным дыктафоне, то Эдуард Бокі, які адседзеў 10 сутак за ўдзел у акцыі 7 красавіка напярэдадні інаўгурацыі Аляксандра Лукашэнкі, не баіцца выказвацца публічна.

(Бокі: ) “Я атрымаў пакараньне за тое, што трымаў плякат “за вольную Беларусь”. Гэта адзначана ў пратаколе. Я прыйшоў, каб аддаць даніну павагі сваім продкам, таму што мой дзед у 1938 годзе быў расстраляны”.

Мой наступны суразмоўца, Уладзімер Вееўнік, кажа, што для яго ўдзел у курапацкіх талоках становіцца ўжо традыцыяй.

(Вееўнік: ) “Я сёньня прыйшоў, каб ушанаваць памяць тых, хто быў неабыякавы для сваёй радзімы, для свайго народу. Я прыйшоў з маці, яна ўпершыню ў Курапатах, а для мяне гэта ўжо становіцца традыцыяй”.

Сталы ўдзельнік курапацкіх талокаў Уладзімер Юхо распавядае Свабодзе пра тое, што плянуюць зрабіць ва ўрочышчы сябры КХП БНФ у бліжэйшы час.

(Юхо: ) “Працы вельмі многа. Далейшае ўшанаваньне гэтага месца працягнецца. Будзем усталёўваць новыя крыжы і шыльды”.

Навуковая кіраўніца курапацкага мэмарыялу Мая Кляшторная сёньня распавяла Радыё Свабода пра плянаванае будаўніцтва гатэльнага комплексу паміж аўтазапраўнай станцыяй і ўрочышчам Курапаты:

(Кляшторная: ) “У свой час, калі мы рабілі праект ахоўных зонаў Курапатаў, то мы гэтую справу спынілі. А зараз тут узяліся прадпрымальнікі. Але гэта ня горшы варыянт гатэля з комплексам. Гэта, будзем лічыць, другасная зона Курапатаў”.

Ганна Соусь, радыё Свабода

29/4/2006 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Красавік 2006
П А С Ч П С Н
« Сак   Тра »
 12
3456789
10111213141516
17181920212223
24252627282930

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ


Беларуская Салідарнасьць // 2000—2024