Bielarus.net Навіны // Аналітыка // Курапаты
be pl en
Беларуская Салідарнасьць
Bielarus.net
Плятформа «Беларуская Салідарнасць»

Рэпрэсіі супраць ініцыятыўнай групы Зянона Пазьняка у Менску і Жодзіне.

24 студзеня ініцыятыўная група Зянона Пазьняка працягнула працу па інфармаваньні грамадзянаў аб народным галасаваньні. Сябры групы распаўсюджвалі гэтую інфармацыю ў Менску і іншых гарадах Беларусі. Пасьля 16:00 міліцыя зноў зьдзейсьніла напад на актывістаў.
У Менску быў затрыманы і дастаўлены ў міліцэйскі пастарунак кіраўнік ініцыятыўнай групы Зянона Пазьняка Сяргей Папкоў. Затрыманьне праводзілі капітан міліцыі Рыгор Зімайчук і старэйшы сяржант міліцыі Аляксандр Серафімовіч. У Жодзіне група актывістаў інфармавала рабочых аб народным галасаваньні непадалёк ад прахадной БелАЗа. Раптам да групы пад’ехалі тры машыны, адкуль выскачылі міліцыянты, узброеныя аўтаматамі. Захопам людзей камандваў капітан міліцыі Ільіч. Старэйшы лейтэнант міліцыі схапіў адну з актывістак, пажылую жанчыну, за каўнер і брутальна тузаў яе. Затрымалі і адвезьлі ў пастарунак Анатоля Рабкаўца і Іраіду Місько. У міліцэйскім пастарунку Іраідзе Місько, пажылой жанчыне, зрабілася кепска. Яна папрасіла вады. Міліцыянты адказалі ёй: “А можа вам яшчэ шампанскага падаць?” На затрыманых складены пратаколы за “распаўсюджваньне матэр’ялаў без выходных дадзеных”. Пасьля 19:00 затрыманых у Менску і Жодзіне актывістаў адпусьцілі з пастарункаў. Рэжым зноў спрабуе запалохаць людзей і антызаконнымі дзеяньнямі спыніць распаўсюджваньне інфармацыі пра народнае галасаваньне. Відавочна, што міліцыя атрымала загад паводзіць сабе нахабна і цынічна. Страх згубіць кантроль над грамадзтвам штурхае рэжым на чарговыя антызаконныя дзеяньні. Істэрыя рэжыму працягваецца.

Інфармацыйная камісія Беларускага Народнага Фронту “Адраджэньне” і Кансэрватыўна-Хрысьціянскай Партыі – БНФ
24 студзеня 2006 г.

25/1/2006 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Студзень 2006
П А С Ч П С Н
« Сьн   Люты »
 1
2345678
9101112131415
16171819202122
23242526272829
3031  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ


Беларуская Салідарнасьць // 2000—2024