Bielarus.net Навіны // Аналітыка // Курапаты // Форум
be pl en
Беларуская Салідарнасьць
Bielarus.net
Плятформа «Беларуская Салідарнасць»

Зянон Пазьняк: Працуйма для Народнага галасаваньня

Гэты мой ліст у першую чаргу да патрыётаў Беларусі і да маіх прыхільнікаў, перад якімі я заўсёды адкрыты.

***
Ультыматум ЦВК, выказаны 18-га студзеня спадарыняй Ярмошынай, засьведчыў, што сабраныя намі подпісы, ня будуць прызнаныя, нібыта за тое, што мы распаўсюджваем інфармацыю пра Народнае галасаваньне.
Учора, 22 студзеня, нашым зборшчыкам подпісаў у Менску не дала працаваць міліцыя. Затрымалі і арыштавалі шэраг асобаў (у тым ліку і кіраўніка Ініцыятыўнай групы і выбарчага штабу С. Папкова), склалі надуманыя пратаколы, тайнякі фатаграфавалі нашыя групы. У міліцыі прагаварыліся, што ўсе гэтыя матэрыялы яны робяць для ЦВК. Рэжым пайшоў ва-банк. Закон на бок. Яны дэманструюць, што гатовыя разьбіцца ў блін, але не пусьціць мяне ў Беларусь.
Паўстае пытаньне, што рабіць? Зьбіраньне подпісаў (ужо сабрана каля 125 тысячаў) робіцца бяссэнсоўным як і перадача іх у ЦВК.
Пасьля кансультацыяў з кіраўніцтвам Партыі БНФ і Ініцыятыўнай групы прашу ўсіх аб наступным:
– прадаўжаць зьбіраць подпісы і адначасна (галоўнае) распаўсюджваць інфармацыю пра Народнае галасаваньне. Сэнс усёй нашай дзейнасьці – інфармаваць людзей і падрыхтаваць Народнае галасаваньне.
Народнае галасаваньне дае законную магчымасьць заблякаваць супэрмашыну фальсіфікацыі. Сэнс Народнага галасаваньня не ў абраньні прэзыдэнта, а ў выкідваньні Лукашэнкі з выбарчага працэсу. Гэта першы этап. Другі этап – дэмакратычныя выбары без Лукашэнкі. Такім чынам, два этапы.
Адным прыёмам (гэта значыць выбарамі па схеме рэжыму) перамагчы рэжым не магчыма. Нагадаю, у 2004 г. завершана супэрмашына фальсіфікацыі. Галасы ўжо нават ня лічаць. Падпісваюць гатовыя пратаколы галасаваньня, падрыхтаваныя адміністрацыяй. Гуляць з такой зачыненай сістэмай, тое самае, што старацца абыграць напарстачніка, ці ляцець на Месяц на самалёце. Павінен быць іншы прынцып і падыход. Ён ёсьць. Ён законны. Гэта добрая магчымасьць для нацыі скінуць з сябе ганебны прамаскоўскі рэжым. Усе за працу – і пераможам!

***
Мой ўдзел у гэтай выбарчай кампаніі разьлічаны не на шансы стаць прэзыдэнтам (яны адсутнічаюць ва ўсіх акрамя Лукашэнкі), але на стымуляваньне Народнага галасаваньня. Збор подпісаў за мяне – гэта здабыцьцё мне легальнай (абароненай імунітэтам) магчымасьці вярнуцца ў Беларусь. Рэжым зразумеў гэта цалкам толькі ў сярэдзіне студзеня, калі ўбачыў нашыя тэмпы. Таму суматошліва, сумбурна зьявіўся такі цынічны ўльтыматум аб непрызнаньні заранёў нашых сабраных подпісаў.
Але мы ня станем па-пустому дыскутаваць і судзіцца з залежнымі ад рэжыму людзьмі. Мы будзем змагацца за Народнае галасаваньне і не змарнуем час. Рашэньне аб дачыненьнях з ЦВК мы прымем і аб’явім у канцы зборчага тэрміну.

23 студзеня 2006 г.
Зянон Пазьняк

24/1/2006 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Студзень 2006
П А С Ч П С Н
« Сьн   Люты »
 1
2345678
9101112131415
16171819202122
23242526272829
3031  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ

Народная Перамога

[ Усе сябры ]




Лічыльнік:


Беларуская Салідарнасьць // Усе правы абароненыя // 2000—2020
Сувязь