Bielarus.net Навіны // Аналітыка // Курапаты // Форум
be pl en
Беларуская Салідарнасьць
Bielarus.net
Плятформа «Беларуская Салідарнасць»

Зянон Пазьняк: Заўвагі аб прэтэндэнтах

Аб прэтэндэнтах на прэзыдэнцтва я пісаў ужо ў папярэдніх лістах на тэму выбараў і Народнага галасаваньня. Зьвяртаю, аднак зноў увагу чытачоў на прэтэндэнта № 2 (пасьля Лукашэнкі), на “кадр” яшчэ з савецкай “картатэкі” – на А. Казуліна.
Лубянка вельмі сур’ёзна распрацоўвала гэтага прэтэндэнта. Пачалі заранёў, за год да выбараў. Пракруцілі фантастычныя агентурныя маніпуляцыі з сацыял-дэмакратамі, зрабіўшы зь яго партыйца і “лідэра” сацдэкаў (гэта не сюжэт, а казка), кінулі на яго велізарныя сродкі (подкупы інфармацыі, электаральнай базы дадзеных, газэтаў, электаральных подпісаў і г.д.).
У тэме з Казуліным праглядваецца тыповы прыём расейскага КГБ, які быў ужыты ў 1994 годзе з Лукашэнкам – Кебічам. (Ставілі нібыта на Кебіча, прывялі Лукашэнку.) З пункту гледжаньня Масквы, і асабліва Лубянкі, Казулін для іх (і для Захаду таксама) цалкам “акцэптабельная” фігура марыянэткавага тыпу. З пачаткам агітацыйнага пэрыяду ўсё стане лепш відаць і можна будзе меркаваць больш дакладна. Цяпер жа дакладна можна сказаць адно: з усіх дрэнных варыянтаў, якія існуюць на гэтых выбарах, варыянт з Казуліным найгоршы для Беларусі, гэта значыць ідэнтычны з варыянтам Лукашэнкі.
Аптымальная схема для Масквы цяпер выглядала б так:
– незалічэньне сабраных за мяне галасоў. Вынік: закрыцьцё мне дарогі ў Беларусь;
– нерэгістрацыя Мілінкевіча. Вынік: скіраваньне ягонай групы на байкот выбараў і на разбурэньне гэтым самым Народнага галасаваньня;
– стварэньне прыймальнай для Масквы структуры выбару.
Менавіта: Лукашэнка-Гайдукевіч і Казулін. Вынік: сітуацыя дае магчымасьць беспраблемна “выйграць” выбары Лукашэнку і раскруціць Казуліна на новага лідэра падстаўной апазыцыі.

Заўвага: Калі ў выніку Народнага галасаваньня ўзьнікне 2-гі тур, гэта будзе абазначаць крах Лукашэнкі. У гэтай сітуацыі Масква будзе старацца праштурхнуць А. Казуліна. Беларусы павінны быць уважлівымі. Прынцып афіцыйных выбараў ня зьменіцца. Галасаваць трэба будзе толькі па схеме Народнага галасаваньня

23 студзеня 2006 г.
Зянон Пазьняк

24/1/2006 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Студзень 2006
П А С Ч П С Н
« Сьн   Люты »
 1
2345678
9101112131415
16171819202122
23242526272829
3031  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ

Народная Перамога

[ Усе сябры ]




Лічыльнік:


Беларуская Салідарнасьць // Усе правы абароненыя // 2000—2020
Сувязь