Bielarus.net Навіны // Аналітыка // Курапаты // Форум
be pl en
Беларуская Салідарнасьць
Bielarus.net
Плятформа «Беларуская Салідарнасць»

Зянон Пазьняк: Развагі пасьля ультыматуму

Сытуацыя на 18 студзеня.

Ёсьць шэсьць законных ініцыятыўных групаў, якія зьбіраюць подпісы за прэтэндэнтаў.
На 18-га студзеня нідзе практычна яшчэ не заўважана зборшчыкаў Гайдукевіча. Актыўныя тры групы: Казуліна, Мілінкевіча, Пазьняка. Найбольш перашкодаў чыніцца маёй групе.

Усе групы акрамя групы Пазьняка і, верагодна, Скрабца фінансуюцца з Масквы і ўключаныя ў маскоўскі розыгрыш выбараў на Беларусі. Усе, акрамя групы Пазьняка, аплочваюць зборшчыкам збор подпісаў. Гэтае брыдкае гандлярства і прадажніцтва прышло ў беларускую палітыку з Масквы і Брусэля. Самае высокае фінансаваньне групы Казуліна (плацяць адзін даляр за подпіс плюс праплата накладаў “Народнай Волі” і іншых газэтаў з матэрыяламі пра Казуліна). Групы Мілінкевіча і Казуліна найбольш інфільтраваныя агентурай КГБ-ФСБ.

Схема

Ужо ад пачатку 2005 г. было зразумела, што Крэмль і Лубянка рыхтуюць сваё заплечча Лукашэнку на час “Х” – гэта А. Казулін. Перадвыбарчая кампанія вымоўна гэта пацьвердзіла.
Роля Мілінкевіча дэкаратыўная – ствараць антураж “апазыцыі” і дэмакратычных выбараў. Бо па выбарчай схеме рэжыму выйграе толькі фальсіфікацыйная супэрмашына. Аднак Мілінкевіч выглядае больш праўдападобна, чым Ганчарык. Ягоная прысутнасьць можа ўскладніць сітуацыю з Казуліным, якога пасьля выбараў рыхтуюць на лубянскага павадыра падстаўной апазыцыі. (Заўважце Статкевіча схавалі на “хімію”, каб не перашкаджаў, і героя зь яго ня лепяць. Хісткае жыцьцё гэтакіх людзей).
Выглядае, што гэбоўскія рэжысёры, малюючы Кзуліна, засумняваліся (папярэджаньне ЦВК) у мэтазгоднасьці выпускаць Мілінкевіча ў выбарчы спэктакль. Яго “падвесілі” і канчатковае рашэньне прымуць пасьля 27 студзеня.

Народнае галасаваньне

Рэжым пачаў са мной сваю гульню ў ката-мышкі, думаючы, што як і ў 2001 годзе, я буду дзейнічаць па іхняй схеме выбараў. Прапанова рабіць Народнае галасаваньне, засьпела іх непадрыхтаванымі. Небясьпеку яны ўжо зразумелі. Ультыматум Ярмошынай маёй Ініцыятыўнай групе азначае, што пры любой сытуацыі, нашыя подпісы не прызнаюць (пра гэта й папярэдзілі).
Ужо 18-га студзеня (у дзень “ультыматуму”) зьявіўся вусны загад для міліцыі: па ўсёй Беларусі не дазваляць распаўсюджваньня інфармацыі пра “Народнае галасаваньне” і, адпаведна, збору подпісаў маёй Ініцыятыўнай групе.
Зараз я кансультуюся з кіраўніцтвам Партыі БНФ і Штабам зборшчыкаў наконт нашых дзеяньняў. Сябры Партыі і маёй Ініцыятыўнай групы, якія ахвярна працуюць у цяжкіх умовах павінны ведаць пра становішча.
Рэжым зразумеў сутнасьць Народнага галасаваньня і сваё праўнае бясьсільле перад гэтым дзеяньнем і таму пойдзе на ўсё, каб не дапусьціць майго легальнага (абароненага імунітэтам) вяртаньня ў Беларусь.
Фармальна яны нібыта прапанавалі ўльтыматум выбару. Маўляў, мы павінны адмовіцца ад інфармацыі пра Народнае галасаваньне, а яны (ЦВК) залічаць нам сабраныя подпісы. Аднак няма тут ніякага выбару. Я ведаю іх як аблупленых (маецца на ўвазе шклоўскі начальнік). Было б так: мы наіўна адмовіліся б ад інфармацыі пра Народнае галасаваньне (як некалі той Шарэцкі ад імпічманту), а яны ўсёроўна незалічылі б нашы подпісы (як і папярэдзілі). “Гуд бай”, прастачкі!”

Антыдзеяньне рэжыму

У рэчышчы гэтай сытуацыі рэжым будзе старацца скарыстаць прапанову байкоту як зброю разбурэньня Народнага галасаваньня і падтрымку супэрмашыны фальсіфікацыі. Я амаль не сумняваюся, што калі рэжымныя ўлады пойдуць на выдаленьне Мілінкевіча, то справу байкоту Масква нават праплаціць (інакш ня стануць заклікаць) і падстаўная апазыцыя на гэта пойдзе. Яны ўжо гавораць пра байкот у выпадку нерэгістрацыі.
Палітыка, як бачым, поўная парадоксаў. У адным выпадку (2004 г.) байкот магчымы і неабходны, у іншым (2006 г.) яго ўжываць нельга. Але цікава, што заўсёды падстаўная апазыцыя ў гэтых перэпетыях падыгрывае рэжыму. Так выяўляецца яе сутнасьць. Дарэчы, намі прасочана ад пачатку: ідэя байкоту гэтых выбараў выйшла з асяроддзя прамаскоўскай агентуры.
(Нагадаю пра цяперашнюю сітуацыю з байкотам. Тут верагодны толькі частковы байкот. Няўдзел у галасаваньні ніяк не дакумэнтуецца. Гэта раьвязвае рукі супэрмашыне фальсіфікацыі. Фактычна ад Народнага галасаваньня адарвуць частку выбаршчыкаў. Іхныя галасы праз супэрмашыну фальсіфікацыі рэжым забярэ сабе)
Такім чынам на цяперашні час справа інфармацыі пра Народнае галасаваньне і падрыхтоўка структураў НГК робіцца галоўнай і першачарговай беларускай задачай.

20 студзеня 2006 г.
Зянон Пазьняк

22/1/2006 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Студзень 2006
П А С Ч П С Н
« Сьн   Люты »
 1
2345678
9101112131415
16171819202122
23242526272829
3031  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ

Народная Перамога

[ Усе сябры ]




Лічыльнік:


Беларуская Салідарнасьць // Усе правы абароненыя // 2000—2020
Сувязь