Bielarus.net Навіны // Аналітыка // Курапаты // Форум
be pl en
Беларуская Салідарнасьць
Bielarus.net
Плятформа «Беларуская Салідарнасць»

Улётка: “Беларускі выбар - Зянон ПАЗЬНЯК!”

Спампуй гэтую улётку -
Да той пары, пакуль беларусы цьвёрда не ўкараняцца на сваёй зямлі, у Беларусі ня можа быць ніякіх роўных правоў для грамадзянаў іншых краінаў і тым больш для расейцаў. Уся зямля, пераважная большасьць маёмасьці ў Беларусі павінна быць уласнасьцю грамадзянаў Беларусі.
На тэрыторыі Беларусі прыярытэтам мусіць карыстацца беларускі бізнэс. Павінны быць вернутыя натуральныя сродкі абароны нашай жыцьцёвай прасторы, якімі зьяўляюцца наша родная беларуская мова, наша беларуская школа і адукацыя, беларуская культура. (Кожны можа сабе ўявіць, што, калі б у дзяржаўных органах ужывалася выключна наша беларуская мова, то на чыноўных месцах не было б месца расейцам, якія вядуць палітыку супраць беларусаў на карысьць Расеі. Мова ёсьць адзін з галоўных абаронцаў нашай жыцьцёвай прасторы.) . Гэтага можна дасягнуць толькі тады, калі мы захаваем незалежнасьць нашай краіны ад расейскіх “саюзаў”.
У 2006 годзе ў краіне плянуюцца прэзыдэнцкія выбары. Неабходна скарыстаць гэтыя выбары ў нашых беларускіх інтарэсах. Для гэтага трэба адхіліць прэтэнзіі на ўладу Лукашэнкі і розных прамаскоўскіх ілжывых “рэвалюцыянэраў”. Навучаная падзеямі на Украіне, Масква пад гэтыя выбары ў нашай краіне стварае сваіх псэўдарэвалюцыянэраў.
Сапраўдным беларускім лідэрам зьяўляецца Зянон Пазьняк. У выніку яго ініцыятыўнай працы ў пачатку 90-х гадоў мінулага стагоддзя Беларусь стала незалежнай краінай. Будучы стваральнікам і кіраўніком Апазыцыі БНФ у Вярхоўным Савеце 12-скліканьня (1990-1995 г.г.), усю сваю дзейнасьць ён скіраваў на заканадаўчае і рэальнае стварэньне і замацаваньне дзяржаўных інстытутаў незалежнай Беларусі. Пасьля прыходу да ўлады Лукашэнкі і ўсталяваньня рэжыму прамаскоўскай дыктатуры, ён вымушаны быў у 1996 годзе пакінуць краіну. Але ён застаўся грамадзянінам Беларусі і ўсе гэтыя гады працаваў і працуе на карысьць Беларусі. Ён бесперапынна ўпарта і цьвёрда працуе супраць злачыннай палітыкі Расеі і мясцовых прарасейскіх халуёў па зьнішчэньні незалежнасьці нашай дзяржавы.
Заклікаем абараніць свае інтарэсы і падтрымаць сапраўднага беларускага лідэра Зянона Пазьняка. Рэжым і прамаскоўскія халуі будуць распускаць розныя плёткі і запалохваць. Плёткі трэба адкідаць. Наконт запалохваньня ёсьць рэцэпт. Яго ў свой час у 80-я гады ХХ-га стагоддзя ўцьвердзіў у польскае грамадзтва папа Рымскі Ян Павел ІІ (у тыя гады яшчэ кардынал Кракаўскі Ян Вайтыла).
Яго рэцэпт: “Ня бойцеся!” Гэтыя словы далі плён. Палякі скінулі ненавісны прамаскоўскі камуністычны рэжым.
І для нас гэта дзейсныя словы: “Ня бойцеся!”. Далучайцеся да ініцыятыўнай групы Зянона Пазьняка, якую стварае Беларускі Народны Фронт “Адраджэньне”. Моцная ініцыятыўная група беларускага лідэра пакажа маскоўцам, што ім ня ўдасца забраць Беларусь.
Прыйшоў час народу ажыцьцявіць сваю ўладу непасрэдна, пра што запісана ў артыкуле 3 Канстытуцыі Рэспублікі Беларусь. Адзінай крыніцай дзяржаўнай улады і носьбітам суверэнітэту ў Рэспубліцы Беларусь зьяўляецца народ.
Прэзідэнтам Беларусі мусіць быць абраны Зянон Пазьняк!

Грамадзянская ініцыятыва “Беларуская Салідарнасьць”

1/11/2005 › Змаганьне за Беларусь


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Лістапад 2005
П А С Ч П С Н
« Кас   Сьн »
 123456
78910111213
14151617181920
21222324252627
282930  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ

Народная Перамога

[ Усе сябры ]




Лічыльнік:


Беларуская Салідарнасьць // Усе правы абароненыя // 2000—2020
Сувязь