Bielarus.net Навіны // Аналітыка // Курапаты
be pl en
Беларуская Салідарнасьць
Bielarus.net
Плятформа «Беларуская Салідарнасць»

Улётка: “Маскоўскія імпэрыялісты расьпярэзаліся”

Спампуй гэтую улётку -
Кіраўнікі крэмлёўскай гэбоўскай хунты кшталту Барыса Грызлова, маскоўскія жулікі і казнакрады кшталту Паўла Барадзіна, цэлая армія імпэрскіх “аналитиков” і розных “писателей” расьпінаюцца на ўвесь сьвет, нібыта мы, беларусы, сьпім і бачым, як бы нам хутчэй аб’яднацца з крымінальнай і крывавай Расеяй. Разам з мясцовай кіруючай групоўкай імпэрскіх халуёў зноў рыхтуюць нам рэферэндум па так званым “канстытуцыйным акце саюзнай дзяржавы”. Гэты “акт” паводле нашага заканадаўства ёсьць крымінальным дакумантам, а дзейнасьць кіруючай групоўкі ёсьць здрадаю дзяржаве і паводле арт. 365 Крымінальнага кодэксу падлягае пакараньню да 15 гадоў турмы. Гэтыя крымінальнікі і ашуканцы расказваюць, як мы радасна пабяжым на гэты рэферэндум, якія мы будзем шчасьлівыя, калі самыя ўлезем ў расейскае ярмо. Іхныя мэты вядомая. У Расеі няма каму працаваць, не хапае гарматнага мяса для войнаў і разгортваньня тэрору. І ў гэтае пекла яны імкнуцца ўкінуць нас і нашу моладзь.
Ва ўсіх гарадах і мястэчках Беларусі ведаюць кошт “брацкіх” абдымкаў Расеі. Такое гора, якое напаткала сям’ю Кліменкаў з Калінкавічаў, спазналі тысячы беларускіх сем’яў. 3 чэрвеня сёлета расейскімі міліцыянтамі на Беларускім вакзале ў Маскве быў затрыманы 54-гадовы жыхар Калінкавічаў Васіль Кліменка, які вяртаўся дамоў з заробкаў. Пасьля гэтага ён зьнік. З дапамогаю Калінкавіцкага РАУС жонцы спадара Кліменкі ўдалося высьветліць, што той 5 чэрвеня памёр у шпіталі імя Боткіна ад шматлікіх траўмаў. 22 ліпеня ён пахаваны ў Маскве як незапатрабаваная асоба. Як распавяла Тамара Кліменка, Беларускае консульства ў Маскве, куды яна зьвярталася, не аказала ніякай дапамогі ў пошуку мужа і дастаўцы яго цела ў Беларусь. З тысячаў падобных выпадкаў толькі адзінкі трапляюць у сродкі інфармацыі (зьвесткі пра выпадак прагучалі сёлета ў верасьні па Радыё «Свабода» паводле інфармацыі гомельскага карэспандэнта Казіміра Яноўскага). Усіх іншых ахвяраў гэтай «ціхай» вайны хаваюць без агалоскі, так, як гэта адбылося з Уладзімерам Мацьвейчыкам з Глуску. Паехаў на заробкі, працаваў, забілі (каб не плаціць заробленае), родзічы прывезьлі ў поліэтыленавым мяшку, пахавалі сёлета ў ліпені.
Адказнасьць за гора беларускіх сем’яў кладзецца на А.Лукашэнку і яго паплечнікаў. Больш за мільён беларусаў ён ператварыў у “гастарбайтараў” на абшарах Расеі. Яны ў пераважнай большасьці працуюць у рабскіх умовах з рызыкай для жыцьця на расейскі бюджэт, на расейскіх алігархаў, кормяць расейскіх пенсіянэраў. Разбураюцца беларускія сем’і, дзеці губляюць бацькоў. Ня мае права займаць пасаду Прэзыдэнта Беларусі чалавек, які груба парушыў Канстытуцыю і заканадаўства краіны.
Ужо самі расейцы пачынаюць разумець, што ў Крамлі засела групоўка жулікаў. Апошнім часам пішуць і гавораць адкрыта, што Пуцін купіў (праз “Газпрам” за дзяржаўныя грошы) у Абрамовіча фірму “Сібнафта” за 13 мільядаў даляраў. “Гешефт” падзялілі паміж сабой. Дабром для Расеі гэта не абернецца. Беларусам у расейскіх закалотах і разборках нельга ўдзельнічаць.
Беларусы мусяць рашуча і салідарна выступіць супраць рэфэрэндуму, які імкнуцца навязаць крамлёўскія жулікі.

Грамадзянская ініцыятыва “Беларуская Салідарнасьць”

1/11/2005 › Змаганьне за Беларусь


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Лістапад 2005
П А С Ч П С Н
« Кас   Сьн »
 123456
78910111213
14151617181920
21222324252627
282930  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ


Беларуская Салідарнасьць // 2000—2024