Bielarus.net Навіны // Аналітыка // Курапаты // Форум
be pl en
Беларуская Салідарнасьць
Bielarus.net
Плятформа «Беларуская Салідарнасць»

Дзіўная прэзэнтацыя

6 ліпеня сёлета ў Менску адбылася шмат у чым дзіўная прэзэнтацыя кніг. У Доме літаратара прэзэнтавалі першыя тры тамы з заяўленых 14-ці тамоў твораў Васіля Уладзімеравіча Быкава. Здавалася б, падзея радасная і сьветлая, асабліва на фоне усеагульнага панаваньня шэрасьці і расейскай “чарнухі”. Але насьцярожвала, што кнігі былі надрукаваныя ў Маскве, а запрашэньні на прэзэнтацыю разаслаў па горадзе А. Казулін (сумнавядомы кандыдат у адзіныя кандыдаты). Дзякуй, што хаця б не выконвалі “Союз нерушімый”, ці як там цяпер называецца гімн Расеі. Але госьці адтуль адразу пачалі камандаваць на “провінціальном меропріятіі”. Нейкі член саюза пісьменьнікаў РФ зачытаў віншаваньне ад старшыні выканкама міжнароднай супольнасьці пісьменьніцкіх саюзаў (ёсьць і такое ў прыродзе) С. Міхалкова, у якім гаварылася, што “сёлета пісьменьніцкая арганізацыя Расеі адзначыла 70-годдзе ўтварэньня саюза пісьменьнікаў СССР, а ў гонар гэтай важнай падзеі старшыні мясцовага саюзу А. Пашкевічу і А. Казуліну (мы й ня ведалі такога пісьменьніка) выдаюцца юбілейныя граматы і мэдалі”. Ужо няма ні таго СССР, ні таго “творчага” саюза, утворанага НКВД паводле сталінскага загаду, а маскоўцы ўсё лезуць са сваімі юбілеямі. Гэта тое ж самае, што адзначаць юбілей апошняга маманта або птэрадакцеля.

Прысутным людзям, аднак, кніг Быкава не прадавалі. Давалі дарма, але толькі выступоўцам. Тыя прафэсійна тэарэтызавалі на тэму, нават згадалі, што Васіль Быкаў адыграў вялікую ролю ў стварэньні Беларускага Народнага Фронту “Адраджэньне”. Але ўсе яны (без выключэньня) неяк забыліся згадаць, што менавіта Зянон Пазьняк кіраваў стварэньнем і змагарнай дзейнасьцю Фронту, што Быкаў быў гарачым прыхільнікам і паплечнікам Пазьняка. Менавіта Васіль Быкаў назваў Зянона Пазьняка Апосталам нацыі.

Некаторыя выступоўцы без сораму выкарыстоўвалі імя нашага выдатнага пісьменьніка ў сваіх мэтах. Так, выклікаючы на трыбуну А. Лебедько з АГП, вядучая на поўным сур’ёзе заявіла, што “Лябедзька быў прататыпам аднаго з любімых літаратурных герояў Быкава…” Узьнікае пытаньне, а дзе быў Лебедько ў той час, калі Васіль Быкаў разам з Зянонам Пазьняком ды іншымі патрыйтамі стваралі Беларускі Народны Фронт, раскрывалі праўду аб Курапатах, арганізоўвалі першы Чарнобыльскі Шлях? А быў “любімы герой” прафэсійным камсамольскім дзеячам, служыў у КПСС, пазьней даслужыўся да ключавой ролі ў арганізацыі выбарчай кампаніі А. Лукашэнкі, а яшчэ пазьней служыў “представітелем презідента” у Вярхоўным Савеце 12-га скліканьня, актыўна ствараў лукашэнкаўскую вэртыкаль, арганізоўваў антызаконны рэфэрэндум аб забароне гістарычнай дзяржаўнай беларускай сімволікі і аб наданьні дзяржаўнага статуса расейскай мове. А сёньня? Сёньня Лебедько актыўна езьдзіць у Маскву, дзе дае парады сваім гаспадарам – расейскім акупантам, як ім лепш канчаткова захапіць Беларусь.

Некаторыя дагаварыліся да таго, што “галоўная роля ва ўшанаваньні памяці Быкава належыць Казуліну”. Пясьняр КПСС Генадзь Бураўкін у сваім выступе адзначыў, што “поўны збор твораў выдаецца не дзяржавай, а па “волі народа”. Гэта ён пра казулінскую групоўку, якая дэмагагічна назвалася “Воля народа”. Няўжо спадар Бураўкін сапраўды ня ведае, хто такі на самой справе Казулін? Калі ня ведае, то няхай спытае ва ўнівэрсітэцкай моладзі. Маладыя яму раскажуць, як яшчэ нядаўна рэктар БДУ Казулін выключаў з унівэрсітэта студэнтаў за ўдзел у патрыятычнай дзейнасьці. Як Казулін ставіў побач сябе перакладчыка на паседжаньнях і прымушаў таго перакладаць яму выступы на расейшчыну, калі выступоўцы казалі па-беларуску. Казулін тым самым дэманстраваў цынічнае стаўленьне да беларускай мовы.

Цяжка было глядзець на ўсё гэта і слухаць крывадушныя выступы гэтай публікі. А ў канцы ў якасьці цынічнага апафэёзу прагучала распярэзаная аранжыроўка гімну “Магутны Божа” (нельга гімн і малітву выконваць такімі дзікімі галасамі, беларусы эўрапейскі народ, а не племя канібалаў). Вось што значыць казуліншчына.

Аліна Дуброўская

20/7/2005 › Актуаліі


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Ліпень 2005
П А С Ч П С Н
« Чэр   Жні »
 123
45678910
11121314151617
18192021222324
25262728293031

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ

Народная Перамога

[ Усе сябры ]




Лічыльнік:


Беларуская Салідарнасьць // Усе правы абароненыя // 2000—2022
Сувязь