Bielarus.net Навіны // Аналітыка // Курапаты // Форум
be pl en
Беларуская Салідарнасьць
Bielarus.net
Плятформа «Беларуская Салідарнасць»

Дзень памяці ахвяраў Чарнобыльскай катастрофы

26 красавіка сябры Кансэрватыўна-Хрысьціянскай Партыі – БНФ правялі мемарыяльныя мерапрыемствы, прысьвечаныя памяці ахвяраў Чарнобыльскай катастрофы. Антыбеларускі рэжым прыслаў цынічны адказ на заяўку Партыі аб правядзеньні мерапрыемстваў у парку Янкі Купалы ў цэнтры сталіцы, пасылаючы беларусаў на балота (пл. Бангалор), куды псэўдаапазыцыя апошнія гады заводзіць людзей, прыніжаючы разам з уладамі чалавечую годнасьць нашага народу. Вялікая грамада прышла на заклік Кансэрватыўна-Хрысьціянскай Партыі – БНФ у Курапаты.

Каля вялікага Крыжа Памяці людзі прасьпявалі гімн “Магутны Божа”, усклалі вянкі і кветкі, запалілі сьвечкі і зьнічы. Над грамадой луналі Бел-Чырвона-Белыя сьцягі. Быў заслуханы зварот Зянона Пазьняка, Старшыні Беларускага Народнага Фронту “Адраджэньне” і Кансэрватыўна-Хрысьціянскай Партыі – БНФ, “Мы, беларусы, мусім перамагчы Чарнобыль!” (тэкст прыкладаецца). Выступіў Юры Беленькі, выканаўца абавязкаў старшыні Фронту і Партыі. Ён нагадаў, што не выпадкова беларусы ў дзень памяці аб ахвярах Чарнобыльскай катастрофы ідуць у Курапаты і на іншыя месцы пакутніцтва нашага народу. Ахвяры Чарнобыля, ахвяры сталінскага генацыду – гэта ўсё ахвяры акупанцкай расейскай улады на нашай зямлі. Цяперашні рэжым працягвае зьнішчэньне нашага народу: сотні тысячаў людзей ня выселены з атручаных радыяцыяй раёнаў, яны жывуць і працуюць там, вытвараюць шкодную для здароўя прадукцыю. Прамаскоўскі рэжым груба падманвае людзей, кажучы, што небясьпекі для здароўя ўжо няма – працягваецца жудасны экспэрымэнт над нашым народам. Арганізатары і выканаўцы гэтага экспэрымэнту абавязкава будуць прыцягнуты да суду. Немагчыма вырашыць сацыяльныя, экалягічныя і гуманітарныя праблемы, зьвязаныя з разбуральнымі наступствамі катастрофы, пакуль на Беларусі ня будзе ўсталявана народная, беларуская, дэмакратычная ўлада, пакуль наша краіна ня вырвецца з каляніяльнай залежнасьці ад Масквы.

Потым грамада прайшла пад Бел-Чырвона-Белымі сьцягамі па Крыжовай алее да Кальварыі, дзе ўсталяваны тры вялікія крыжы. Выступіў Сяргей Папкоў, намесьнік старшыні Фронту і Партыі. Ён узгадаў, што ў Маскве ўзнагародзілі і назвалі героямі расейскіх лётчыкаў-злачынцаў, якія пасьля чарнобыльскага выбуху апусьцілі на Беларусь атручаныя радыяцыяй аблокі. Расея – арганізатар катастрофаў у беларускай гісторыі – не раскаялася, краіна-агрэсар зноў спрабуе захапіць і зьнішчыць нашу краіну і наш народ. Каб не паўтарыліся на нашай зямлі расейскія злачынствы, беларусы мусяць бараніць Бацькаўшчыну, мусяць падтрымаць Беларускую альтэрнатыву. А альтэрнатывай расейскаму варварству і рабству ёсьць дэмакратычная эўрапейская Беларусь.

Людзі, сьпяваючы гімн “Магутны Божа”, усклалі кветкі да крыжоў на магілах пакутнікаў, запалілі сьвечкі і зьнічы. Некалькі міліцэйскіх начальнікаў і афіцэр КГБ у цывільным (ён усьцяж не хацеў назваць свае прозьвішча і пасаду) патрабавалі, каб людзі прыбралі нацыянальныя Бел-Чырвона-Белыя сьцягі. Але марныя спробы прадстаўнікоў рэжыму былі заглушаныя чытаньнем Малітвы за Беларусь.

26/4/2005 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Красавік 2005
П А С Ч П С Н
« Сак   Тра »
 123
45678910
11121314151617
18192021222324
252627282930  

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ

Народная Перамога

[ Усе сябры ]




Лічыльнік:


Беларуская Салідарнасьць // Усе правы абароненыя // 2000—2022
Сувязь