Хацелася б спадар Зянон, каб настала асэнсаванае змаганьне са злом, асабліва з тым якое нішчыць нашую нацыю.

http://www.zianonpazniak.de

Паліцэйская дзяржава дыктатара Лукашэнкі!

Спачатку канкрэтныя прыклады з жыцьця.

1 прыклад
Звычайная арганізацыя, напрыклад Школа. У пракуратуру на Школу прыходзіць ананімка, што гэтая Школа спансуе і разьвівае такую з’яву грамадзкага жыцьця, як Прастытуцыя. У савецкія і пазасавецкія часы гэтую Ананімку адправілі ведама куды – у Каналізацыю. Але зараз – Час Дыктатара Лукашэнкі. Таму гэтую ананімку а таксама і Школу распрацоўваюць на прадмет наяўнасьці Прастытуцыі і Сутэнэрства. Пачынаюць крымінальную справу, пад якой некалькі месяцаў ходзіць увесь педагагічны калектыў школы. Праз некалькі месяцаў справу зачыняюць з рашэньнем, што Ананімка была напісана з паклёпніцкімі мэтамі. Але, увесь калектыў школы пахадзіў пад Крымінальнай Справай і амаль адчуў сябе ў турме – вынік цудоўны – гэтыя людзі цяпер будуць баяцца ўлады і бяжаць ад канфрантацыі зь ёй, як чорт ад ладана. Вучыцеся спадары дэмакраты і Беларускі Народ, раз вас Сталінізм нічому не навучыў, як гэта – баяцца Улады Дыктатара Лукашэнкі. А цяпер уявіце сабе, што ў Школу прыйшоў агітатар напрыклад ад Зянона, і Калектыў хацеў бы за яго прагаласаваць. Але ж, адчуўшы на сабе моц Улады Дыктатара Лукашэнкі, яны будуць цяпер галасаваць толькі за Лукашэнку, альбо вялікі і магутны Дыктатар гэтую школу проста разгоніць. Апошняе для Вас спадары камітэтчыкі, каб Вы болей не называлі Уладу Дыктатара Лукашэнкі і сваю асабістую – дэмакратычнай. Яна звычайная ваша – сталінская.

2 прыклад

Звычайная Дзяўчынка, якая выехала крыху падрабіць на Навучаньне ў Нямеччыну. Не падумайце чаго дрэннага – звычайнай гувэрнтанткай. І атрымоўвае за гэта 240 Еўра ў месяц. Для Нямеччыны гэтыя грошы настолькі сьмешныя, што яны не абкладаюцца падаткам. У Дзяўчынкі – хворая маці. Пакуль Дзяўчынка адпрацоўвае гувэрнанцкія ў Нямеччыне, нейкім чынам, напэўна Вялікім і Магутным Стукам пра яе даведалася Падатковая Інспекцыя Ўлады Дыктатара Лукашэнкі, і Вялікі Інсьпектар асабіста патэлефанавала маці і заявіла, што калі Дзяўчынка не заплоціць Падатак у яе асабістую Кішэню альбо ў Кішэню Дыктатара Лукашэнкі, то яе будуць шукаць крымінальным вышукам і не выпусьцяць за мяжу. Вялікі Інсьпектар як і Дыктатар ведае ўсе законы, якія нясуць грошы ў яго асабістую Кішэню. Але Вялікаму Інсьпектару напрэч адбіла памяць у частцы існаваньня Дамовы аб пазьбяганьні двайнога падаткавага абкладаньня, у адпаведнасьці зь якой Дзяўчынка не павінна плаціць падаткі ў Беларусі. Апошняе Спадарам зь Падаткавай Інсьпекцыі ды Камітэту, Вашая ўлада – не прававая, а бандыцкая, таму што парушае свае ж Законы. Не толькі бандыцкая, але і жабрацкая, таму што толькі жабракі могуць рабаваць гувэрнантак ды студэнтаў. Студэнтам дарэчы са сваіх летніх амерыканскіх заробкаў цяпер таксама давядзецца плаціць падаткі ў ЗША ды Беларусі – Міжнародная Дамова Жабракам-Бандытам ад ўлады проста да дупы.

3 прыклад

Амаль звычайнае і вельмі пасьпяховае беларускае прадпрыемства, якое будавала ва ўсёй Беларусі на працягу многіх гадоў, і Падатковая Інсьпекцыя не мела да яго ніякіх пытаньняў. Але аднойчы Вялікі Падаткавы Інсьпектар задумалася, калі гэта ЗАМЕЖНАЕ ПРАДПРЫЕМСТВА з абмежаванай адказнасьцю, то ў яго павінны ЗАМЕЖНЫЯ ГРОШЫ, якія можна атрымаць у сваю Кішэню альбо Кішэню Дыктатара. Цяпер прадпрыемства зачынілася – хутчэй за ўсё назаўсёды. Вось так Бандыты ад Ўлады рабуюць тых, на чые падаткі існуюць.
4 прыклад

Звычайнае прадпрыемства, дзе быў прызнаны факт злоўжываньняў з боку бугалтаркі. Нармальная ўлада будзе трэсьці бугалтарку, а Ўлада Дыктатара Лукашэнкі ды ягоныя ворганы будуць выкрываць факт злодзейскай змовы з бугалтаркай усіх астатніх супрацоўнікаў. А Змовы мы ўжо праходзілі, гэта зноў жа, каб застрашчаць як мага болей людзей. Чысты сталінізм.

Высновы з гэтых практычных прыкладаў.

Дзяржава Дыктатара Лукашэнкі ператварылася ў паліцэйскую дзяржаву. Зараз Дзяржава Беларусі спрабуе кожнага альбо пасадзіць у турму, альбо пад крымінальную справу. Каб людзі баяліся, і нават блізка не думалі ісьці супраць галоўнага Дыктатара ды супраць Дзяржавы. Паміж іншым супрацоўнікі з унутраных ворганаў спрабуюць рабаваць народ, тым больш, што санкцыю ім даў Галоўны Дыктатар.

Усе удзельнікі з гэтых прыкладаў добра разумеюць, што зь німі спрабуе зрабіць Дзяржава. Ніхто зь ніх не верыць ілжы, якая ліецца па тэлеканалам. Хутка ў дыктатара і Ўнутраных Ворганаў застануцца толькі ваенныя спосабы, каб стрымліваць людзей. Паўночная Карэя ды Ваенны Камунізм.