Bielarus.net Навіны // Аналітыка // Курапаты // Форум
be pl en
Беларуская Салідарнасьць
Bielarus.net
Плятформа «Беларуская Салідарнасць»

Талака ў Курапатах

23 кастрычніка ў Курапатах сябры Кансэрватыўна-Хрысьціянскай Партыі - БНФ наладзілі талаку напярэдадні Дзядоў. Ля курапацкага крыжа была запаленая сьвечка ў памяць Васіля Быкава.

Сёньня, як і кожную суботу, сябры Кансэрватыўна-Хрысьціянскай Партыі - БНФ у часе талакі запальваюць ля аднаго з курапацкіх крыжоў сьвечку ў памяць Васіля Быкава. Гаворыць сябра Партыі БНФ Алесь Чахольскі.

(Чахольскі: ) “Кожную талаку мы запальваем “сьвечку Быкава”, таму што Васіль Уладзімеравіч шмат увагі надаваў Курапатам, памяці, ахвярам. Мы лічым, што яго прысутнасьць тут таксама вельмі важная. І гэта падмурак наш”.

Сябры Партыі БНФ падалі ў Менгарвыканкам заяўку на правядзеньне ў нядзелю 31 кастрычніка, на Дзяды, шэсьця й жалобнага мітынгу ў Курапатах. Алесь Чахольскі спадзяецца, што дазвол будзе атрыманы ў панядзелак альбо аўторак.

(Чахольскі: ) “Я заклікаю людзей узяць чынны ўдзел у гэтым мерапрыемстве. Бярыце з сабой сьвечкі, падымайце наш сьвяты бел-чырвона-белы сьцяг, сьцяг Хрыста. Прыходзьце, прыносьце ахвяраваньні, таму што менавіта на вашы сродкі вырабляюцца крыжы й ствараецца Народны мэмарыял. Нельга чакаць, нельга сядзець. Мы ж людзі, а не быдла. Мы павінны засьведчыць сваю чалавечую і нацыянальную годнасьць. Я яшчэ раз заклікаю – 31 кастрычніка, 10.30 ля гадзіньнікавага заводу”.

А сёньня сябры Кансэрватыўна-Хрысьціянскай Партыі - БНФ ўпарадкоўвалі тэрыторыю ўрочышча. Гаворыць Уладзімер Юхо:

(Юхо: ) “Сёньня мы прыбіраем алею, якая засталася яшчэ ня скошаная на магілах. Прынесьлі шыльду, якую знайшлі ўвесну. Драўляныя крыжы спалілі невядомыя вандалы, але мэталічныя шыльды засталіся, і адну зь іх сёньня ўсталюем на адным з крыжоў. Потым агледзім усе крыжы вакол Курапатаў, потым прывядзём іх у парадак, можа, дзе трэба што падкасіць і прыбраць сьмецьце, і ўжо будзем рыхтавацца да Дзядоў”.

Паводле Радыё “Свабода”.

23/10/2004 › Навіны


Навіны
Аналітыка
Актуаліі
Курапаты
Фотаархіў
Беларускія Ведамасьці
Змаганьне за Беларусь
Старонкі гісторыі
Цікавая літаратура

Пошук:




Каляндар:

Кастрычнік 2004
П А С Ч П С Н
« Вер   Ліс »
 123
45678910
11121314151617
18192021222324
25262728293031

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты  — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

RSS


Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.


Сябры й партнэры:

Кансэрватыўна-Хрысьціянская Партыя - БНФ

Народная Перамога

[ Усе сябры ]




Лічыльнік:


Беларуская Салідарнасьць // Усе правы абароненыя // 2000—2020
Сувязь