ЗАЯВА
Шырокія рэпрэсіі ў адносінах да грамадзянаў Беларусі, удзельнічаўшых 25 сакавіка ў сьвяточных мерапрыемствах з нагоды Дня Волі ў Менску й Віцебску сьведчаць аб тым, што йснуючая ўлада не аналізуе нядаўніх гістарычных падзеяў, у тым ліку народнага паўстаньня ў Румыніі ў 1989 годзе.
Гвалт з боку ўлады можа выклікаць толькі супрацьнакіраваны гвалт.
У гэты перыяд вельмі вагавіта засьцерагчыся нецярплівасьці — імкненьня некаторых кіраўнікоў апазіцыі вывесьці на вуліцы як мага большую колькасьць непадрыхтаваных безабаронных людзей.
Трэба спакойна і мэтанакіравана рухацца да непазьбежнага моманту “Ч”. І тады гэтай злачыннай уладзе не дапамогуць ні ваўкадавы, ні кулямёты бронетранспарцёраў, ні бандзюкі ў масках. Толькі падрыхтаваныя людзі змогуць адстаяць сваю волю й волю Радзімы!
Жыве Беларусь!
29 cакавіка 2000 г.Намесьнік старшыні Віцебскай гарадзкой арганізацыі Кансерватыўна-Хрысьціянскай Партыі — БНФ Барыс Хамайда