Прэмія міру ў час акупацыі для беларуса, што ўвязьнены ў лукашысцкай турме ў гэты жахлівы пякельны час, калі нішчаць і зьневажаюць наш добры вялікі Беларускі народ, гэта ёсьць разумны і прыхільны крок з боку Нарвэжскага Нобэлеўскага Камітэту ў Осла.
Віншуем Алеся Бяляцкага з Нобэлеўскай прэміяй і прызнаньнем Беларусі. Верым у сьветлую будучыню Беларускай нацыі.
Акупацыя і зьдзек над народам шмат чаму навучылі ўжо беларусаў і тых, што ў турме і тых хто яшчэ не ў турме.
Наш народ пройдзе праз пакуты і злачынствы варвараў, праз здраду й шыпеньне няверных сяброў, праз акупацыю і варожы забор, і прышласьць Яго будзе прыўкраснай.
Жыве Беларусь! Слава Айчыне!
7 кастрычнік 2022 г.
Зянон Пазьняк (ад Беларускага Нацыянальнага Сакратарыяту руху “Вольная Беларусь” і ад караўніцтва КХП — БНФ.)