На пачатку было Слова. І слова было Богам.
Тыя, хто ня ведаюць пра гэта, забыліся — ня маюць будучыні.
Прапанавалі зь Белсату ўдзельнічаць у жывым эфіры, у размове пра падзеі, што адбываюцца ў Беларусі і ў сьвеце. Паведамілі, што ў іх “новы фармат” працы: адзін вядовец — па-беларуску, другі — па-руску.
— Навошта Вы гэта зрабілі?
— Бо нас глядзяць у Расеі, Казахстане і іншых краінах, дык, каб разумелі. Гэта каб пашырыць інфармацыю на розную сусьветную аўдыторыю.
— Зразумела. Мы такое праходзілі ў СССР. Гэты мэтад русіфікацыі і адмвы ад свайго называецца “двумоўе”.
— …
— Можна супрацоўнічаць са станцыяй, якая працуе на Беларусь і на Беларускую нацыю. З тымі, што працуюць на Расею і Казахстан (тым больш падчас расейскай акупацыі Беларусі) супрацоўнічаць ня варта.
Сказаў і падумаў. Зь іх нічога ня будзе. Адсутнасьць нацыянальнага беларускага думаньня ў галаве і нацыянальных абавязкаў вядзе іх толькі ў рабства, у ідыятызм і ў шкоду самым сабе.
11-03-2022 Зянон Пазьняк