(Рэзалюцыя мітынгу 21 сьнежня 2019 года ў Менску.)
Групоўка чыноўнікаў на чале з А. Лукашэнкам пагадзіліся на здраду. Здаюць Расеі ўсё акрамя сваіх гешэфтаў па нафце і газу. Але гэта ёсьць мафійны гандаль Крамля і групоўкі здраднікаў. Гандлююцца за цану здрады.
Трэба спыніць незаконную дзейнасьць чыноўнай групоўкі па гандлю інтарэсамі беларускага народа. Гэтыя людзі ня маюць права вырашаць лёс суверэнітэту краіны і лёс народа. Іхныя зборкі неканстытуцыйныя, незаконныя. Тое, што яны робяць на вачах ва ўсіх — гэта змова прадажнікаў. Такія людзі падлягаюць суду і пакараньню.
Здраднікі, якія прадаюць Айчыну, не павінны быць ва ўладзе Беларусі. У адпаведнасьці з арт. 3 Канстытуцыі народ павінен браць уладу ў свае рукі і спыняць акупацыю краіны, якую робяць пад шыльдай так званай інтэграцыі.
Зьвяртаемся да беларусаў і заклікаем ствараць Суполкі Абароны Айчыны па ўсёй краіне, у гарадах, мястэчках і вёсках. Задача Суполак Абароны Айчыны: інфармаваць людзей пра небясьпеку расейскай акупацыі, падтрымліваць нашых людзей, набываць аўтарытэт у грамадзтве, рыхтаваць і назапашваць сілы для барацьбы, рыхтаваць адмыслоўцаў для рэалізацыі самакіраваньня ў сваёй мясцовасьці.
Інтэграцыя ня пройдзе!
Акупацыя не атрымаецца!
Жыве Беларусь!
21 сьнежня 2019 г. г.Менск