Фэдэральны Прэзыдэнт Аўстрыйскай Рэспублікі Сп. Аляксандр Ван дэр Бэлен
Прэзыдэнт Нацыянальнай Рады Аўстрыйскай Рэспублікі Сп. Вольфганг Саботка
Старшыня Аўстрыйскай Народнай Партыі, Дэпутат Нацыянальнай Рады Сп. Сэбасьцьян Курц
Адкрыты ліст
У гэтыя дні прэзыдэнт Рэспублікі Беларусь сп. Аляксандр Лукашэнка знаходзіцца з афіцыйным візытам у Аўстрыі. У гэтыя ж дні ўлады Беларусі распачалі адміністрацыйную справу супраць намесьніка старшыні Кансэрватыўна-Хрысьціянскай Партыі – БНФ, дэпутата Вярхоўнага Савета (1990-1996) сп. Юры Беленькага. Улады перасьледуюць сп. Беленькага за ўдзел у мэмарыяльных мерапрыемствах памяці ахвяраў сталінскага тэрору 1937-1941 гг., якія адбыліся 3 і 10 лістапада 2019 г. у Менску. Сп. Беленькі быў афіцыйным арганізатарам гэтых мерапрыемстваў. Гэтыя мерапрыемствы мелі некамэрцыйны характар і прайшлі мірна. Не было ніякіх заўваг з боку міліцыі. Але пасьля сканчэньня мерапрыемстваў міліцыя запатрабавала ад сп. Беленькага аплату сваіх паслуг. Гэта незаконна, бо мерапрыемствы былі некамэрцыйныя.
Гэтыя патрабаваньні ўладаў і міліцыі супярэчаць прынцыпам БДІПЧ АБСЭ, якія прызнаны Рэспублікай Беларусь. Згодна параграфа 31 (выданьне 2010 г.), які рэгулюе прынцыпы свабодных сходаў і дэманстрацый, улады павінны несьці ўсе кошты забесьпячэньня бясьпекі на мерапрыемствах.
Мы просім Вас, вельмішаноўныя спадары, праявіць добрую волю і выкарыстаць Ваш аўтарытэт, каб спыніць незаконны перасьлед сп. Беленькага.
Сяргей Папкоў,
Намесьнік старшыні Кансэрватыўна-Хрысьціянскай Партыі – БНФ
11 лістапада 2019 г.
Менск
protest_belarus_8112019.doc