** (Заява)**
Працягваюцца таемныя змоўніцкія перамовы за зачыненымі дзьвярыма ў Маскве аб інтэграцыі Беларусі ў склад Расеі. Ускоснымі шляхамі грамадзкасьць Беларусі даведалася, што на бліжэйшы час Масква плянуе “адкусваць” беларускі сувэрэнітэт па кавалачках. Пад рознымі фармулёўкамі Масква здольная накінуць гэты плян сваім нелегітымным васалам у кіраўніцтве Бнларусі.
У сувязі з працягам антыбеларускай змовы ў Маскве і ўдзелам у ёй кіруючага рэжыму Рэспублікі Беларусь, мы зноў нагадваем аб злачыннасьці намераў цяперашняга кіраўніцтва Крамля і кіраўніцтва Беларусі інтэграваць Беларусь у Расею. Беларускі народ не ўпаўнаважваў нікога весьці перамовы з Масквой аб пытаньнях, якія супярэчаць Канстытуцыі і законам краіны.
Патрабуем неадкладна спыніць таемныя перамовы ў Маскве аб інтэграцыі Беларусі ў Расею, ліквідаваць працэс здрады Беларусі і абмеркаваньне спробаў паглынаньня нашай краіны Расеяй.
Усялякія палітычныя рашэньні, прынятыя на шкоду сувэрэнітэту Беларусі, аўтаматычна паставяць падпісантаў у катэгорыю асобаў, якія зьдзейсьнілі здраду Радзіме, што зьяўляецца асабліва цяжкім крыміальным злачынствам з усімі вынікаючымі акалічнасьцямі.
13 кастрычнік 2019 г., г. Менск
Сойм Кансэрватыўна-Хрысьціянскай Партыі – БНФ (Старшыня Зянон Пазьняк)