Сп. Зянону Пазьняку, Старшыні Беларускага Народнага Фронту “Адраджэньне” і Кансэватыўна-Хрысьціянскай Партыі – БНФ
Шаноўны Зянон Станіслававіч!
**Віншуем Вас з 75-годдзем! Ад душы зычым Вам моцнага здароўя, творчых сілаў і натхненьня ў працы і змаганьні за волю і дабрабыт нашай дарагой Бацькаўшчыны. ** Разам з Вамі мы прайшлі доўгі шлях барацьбы за вольную Беларусь, у абароне правоў нашага народа, нашай культуры і мовы. Заваяванае, сьцьверджанае агульнымі намаганьнямі мы ўжо ніколі не аддамо імпэрскаму ворагу.
“Будучыня Беларусі – прыўкрасная!” – паўтараеце Вы ў самыя цяжкія моманты змаганьня. І гісторыя пацьвярджае слушнасьць гэтых словаў. Імпэрыя ідзе да свайго канчатковага зьнікненьня, а родная Беларусь выстаяла ў змрочны час, набліжаецца дзень вызваленьня ад цемры. Разам будзем працаваць на карысьць вольнай, дэмакратычнай Беларусі.
З павагай
Сябры і кіраўніцтва БНФ “Адраджэньне” і КХП-БНФ
24 красавіка 2019 г.