Штогод украінцы, якія жывуць і працуюць у Польшчы, перадаюць сваякам ва Украіне каля 5 млрд эўра.
Як паведамляе Polskie radio, пра гэта заявіў міністар замежных справаў Польшчы Вітольд Вашчыкоўскі, выступаючы на форуме “Эўропа – Україна” у Лодзі.
“Больш за мільён украінцаў, якія жывуць у Польшчы, пераводзяць штогод ва Украіну – толькі паводле афіцыйных бакнкаўскіх дадзеных, — каля 10 млрд злотых. Яшчэ прыкладна столькі ж яны прывозяць дадому, наведваючы свае сем’і ва Украіне. Гэта значыць, што летась, у адпаведнасьці з дадзенымі Нацыянальнага банку Польшчы, украінскія грамадзяне пералічылі каля 5 млрд эўра”, — зазначыў ён.
Вашчыкоўскі дадаў, што “гэта істотная дапамога для ўкраінскай эканомікі”.
Кіраўнік польскага МЗС запэўніў, што Варшава будзе і надалей працаваць над падтрымкай Украіны. Ён нагадаў, што Польшча прадаставіла Кіеву крэдыт у памеры 100 млн эўра на мадэрнізацыю памежнай інфраструктуры, а таксама 1 млрд эўра накіравала на стабілізацыю курса грыўны.
Пераклад з расейскай.