На ракетных заводах Урала працуюць у тры зьмены
Пасьля 2000 бомбавых налётаў у Сірыі расейскія збраёўні вымушаны працаваць круглымі суткамі. Шэраг расейскіх збраёўняў, якія прадукуюць ракеты, праз кароткі час былі вымушаны перайсьці на працу ў дзьве і тры зьмены, каб выдаваць дастатковую колькасьць зброі.
- Усе працуюць для фронта, піша фэдэральная агенцыя наваінаў ФАН.
- Прычына ў тым, што вырас попыт на зброю ў сувязі з апэрацыяй у Сірыі, паводле “Коммерсанта”. Многія расейскія інтэрнэт-выданьні, сярод іншых “Ведомости Урал”, пішуць, што фабрыкі цяпер упершыню працуюць па 24 гадзіны ў суткі, каб мантаваць ракеты. Працуюць, каб не дапусьціць спусташэньня бомбавых складаў. Вялікі расейскі вытворца зброі Tactical Missiles Corporation ёсьць сярод кампаній, якія павысілі вытворчасьць, каб выдаваць дастатковую колькасьць прадукцыі. Кампанія мае шэраг фабрык на Урале, сярод іншага НВА Электрамэханік у Чалябінску, якое пастаўляе дэталі для кіраваньня ракетамі. Таксама фабрыкі Уралэлемэнт і Урал Праект і многія іншыя ўвялі 24-гадзінны расклад працы, паводле расейскіх СМІ. Фабрыкі пастаўляюць, сярод іншага, высокадакладныя бомбы КАБ-500 і Х-29Л, якія выкарыстоўваюцца ў расейскіх авіяналётах у Сірыі.
У справаздачы паводле аналітыкі Эўрапейскай Рады па Замежных Сувязях (European Council on Foreign Relations) пазначана, што Захад недаацаніў выніковасьць шырокамаштабнай рэформы, якую Пуцін правёў у расейскай абарончай сфэры.
- Але калі расейскае вайсковае камандваньне разьмесьціць вялікія сілы вельмі далёка ў выніку ўсё большай прысутнасьці ў Сірыі, тады адразу раскрыюцца слабыя бакі і недахопы расейцаў, напісаў дасьледчык Густаў Грэсэль.
Каштуе 34 мільёны ў дзень
Расейскія авіяналёты каштуюць каля 34 мільёнаў кронаў у дзень. Гэта даволі мала ў параўнаньні з коштамі бомбавай вайны НАТО ў Лібіі. Падчас вайны НАТО у Лібіі таксама ўзьнік недахоп ракет і бомб, запасы якіх былі выкарыстаны.
Часопіс “National Interest” указвае на тое, што мадэрнізацыя расейскай ваеннай авіяцыі ўключае ў сябе акцэнт на вялікае выкарыстаньне сумесі розных тыпаў самалётаў, а гэта прыводзіць да крайней ускладненасьці ваеннай лагістыкі.
Пэр Андэрс Ёхансэн Пераклаў з нарвэжскай В. Буйвал. Крыніца: нарвэжская газэта “Аftenposten”, 4.11.2015