З Сірыі ў Севастопаль дастаўлены целы 26 загіблых вайскоўцаў з 810-й асобнай брыгады марской пяхоты берагавых войскаў Чарнаморскага флёту Расеі. Пра гэта гаворыцца ў сёньняшняй зводцы абстаноўкі вакол сірыйскага канфлікту ад Галоўнага ўпраўленьня Мінабароны Украіны.
Выведчыкі таксама паведамілі, што расейскае камандваньне ня здолела забясьпечыць нармальныя санітарна-гігіенічныя ўмовы для сваіх войскаў у Сірыі, таму жаўнеры масава пакутуюць на інфэкцыйныя захворваньні.
Як паведамляе ўкраінская выведка, расейскае камандваньне працягвае нарошчваць і забясьпечваць свае войскі ў Сірыі.
Заходнія краіны абвінавачваюць Крэмль у тым, што асноўная частка авіяўдараў наносіцца па тэрыторыі, кантралюемай апазыцыяй, а не баевікамі ІДзІЛ або Аль-Каіды.
Па дадзеных ААН, у выніку наступу ўрадавых войскаў пры падтрымцы расейскай авіяцыі з Алепа, другога па вялечыні горада Сірыі, уцяклі каля 35 тысячаў чалавек. Таксама СМІ паведамілі пра гібель 45 чалавек, у тым ліку цывільных і паўстанцаў, у выніку расейскага авіяўдару ў правінцыі Латакія.
Пераклад з расейскай.