Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
Пуцін можа паслаць расейскія войскі ня толькі ў Сірыю Расейскі прэзыдэнт Уладзімір Пуцін можа выкарыстаць згоду заканадаўцаў на накіраваньне ўзброеных сілаў у замежжы ня толькі ў Сірыі, — папярэдзіў у сераду сакратар украінскай рады бясьпекі Аляксандр Турчынаў. “Дазвол прымалі за зачыненымі дзьвярмі, тэкст рашэньня не апублікавалі. Таму можна меркаваць, што тэкст не абмяжоўваецца сірыйскай тэрыторыяй. Небясьпека можа пагражаць любой краіне”, — заявіў Турчынаў, паводле агенцыі Інтэрфакс-Україна. Усё, на ягоную думку, сьведчыць аб тым, што “Расея не зьбіраецца скончыць зьнешнюю агрэсію і застаецца адной з галоўных ваенных і тэрарыстычных пагрозаў для сусьветнай супольнасьці”. Украінскія прадстаўнікі абвінавачваюць Расею ў тым, што яна вядзе неабвешчаную вайну супраць Украіны і акупуе ўкраінскую тэрыторыю ў Крыме і Данбасе на ўсходзе краіны. Масква ўвесь час адмаўляе факт наўпроставага ўмяшальніцтва ва ўкраінскі канфлікт. Турчынаў нагадаў, што летась 1 сакавіка расейскія сэнатары далі згоду на ўвядзеньне расейскіх войскаў на ўкраінскую тэрыторыю, аднак у сапраўднасьці “расейская агрэсія ў Крыме” распачалася ўноч на 27 лютага, калі супрацоўнікі расейскіх спэцчастак занялі рэгіянальны парлямант у Сімфэропалі. Такім чынам, рашэньне расейскага парляманта аб накіраваньні войскаў на самой справе “ня мае значэньня, а служыць толькі як палітычнае прыкрыцьцё ўжо зьдзейсьненых злачынстваў”. І ў Сірыі, паводле ўкраінскага прадстаўніка, расейскія вайскоўцы і самалёты больш за месяц ваявалі на баку дыктатуры Асада, аж покуль у сераду Пуцін забясьпечыў ім палітычнае прыкрыцьцё ў Савеце фэдэрацыі. Савет фэдэрацыі, верхняя палата расейскага парляманту, адзінагалосна задаволіла просьбу прэзыдэнта ў справе накіраваньня расейскіх сілаў у Сірыю. Праз кароткі час расейскае міністэрства абароны пацьвердзіла факт першых налётаў на мэты ў Сірыі. СTK 11/10/2015 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
