Завадатар тэрарыстычнай арганізацыі “ЛНР” І. Платніцкі заявіў, што разглядаецца магчымасьць выдачы расейскіх пашпартоў жыхарам часова акупаваных тэрыторый усхода Украіны.
“Зараз разглядаецца пытаньне ў тым ліку аб тым, каб на тэрыторыі ЛНР і ДНР усе, хто пажадае, атрымалі дакуманты. Магчыма, Расейская Фэдэрацыя прадаставіць нам права атрыманьня пашпарта”, — прыводзіць словы тэрарыста Данецкая агенцыя навінаў.
Член Савета па правах чалавека і разьвіцьцю грамадзянскай супольнасьці РФ Яўген Баброў абвяргаючы заяву Платніцкага, заявіў, што расейскія ўлады ня маюць намеру ўводзіць на Данбасе расейскія пашпарты.
На гэтую тэму адбылося пашыранае паседжаньне з удзелам прадстаўнікоў Міністэрства юстыцыі, расейскага ўраду і адміністрацыі прэзыдэнта Расеі.
Чыноўнікі вырашылі, што жыхары часова акупаваных тэрыторый Данбаса могуць знаходзіцца на тэрыторыі Расеі па ўкраінскіх, нават пратэрмінаваных дакумантах, і адзінае патрабаваньне – каб у іх былі ўклеены фотаздымкі. Пры гэтым, расейскія пашпарты, жыхарам гэтых тэрыторый будуць выдавацца паводле стандартнай для замежнікаў працэдуры і пры наяўнасьці на гэта абгрунтаваньняў.
Баброў таксама дадаў, што жыхары самаабвешчаных рэспублік, якія згубілі пашпарты, павінны зьвярнуцца ў мясцовыя ўкраінскія ворганы, дзе пасьля пацьвярджэньня іх асобы ім выдадуць часовыя дакуманты.
Пераклад з расейскай. Крыніца: http://obozrevatel.com/crime/61975-rossiya-ne-hochet-novyih-sograzhdan-s-okkupirovannogo-donbassa.htm