Крымскіх супрацоўнікаў СБУ, якія перабеглі ў ФСБ падчас анэксіі паўвыспы, для далейшага праходжаньня службы будуць накіроўваць на мацярык, у расейскую глыбінку. Зь нядаўняга часу яны непатрэбныя новай уладзе. А на іхнае месца ўжо сьпяшаюцца “вопытныя супрацоўнікі” маскоўскага апарату.
У эфіры ток-шоў “Гравітацыя” тэлеканала ИТВ дэпутат Бахчысарайскага горсавета Канстанцін Кнырык заявіў, што здраднікам з СБУ, якія перабеглі ў ФСБ, ня можа быць асаблівага даверу. Іх накіруюць служыць падалей ад Крыма.
“Ім будзе запрапанавана працягнуць службу недзе далёка па-за межамі Крыма, каб памяняць іх на больш прафэсійныя кадры”, — зазначыў народны выбраньнік.
Наогул, падобная ратацыя праводзіцца практычна ва ўсіх дзяржаўных структурах Крыма. Армія, флёт, ворганы выканаўчай улады адразу ўзначалілі крамлёўскія прызначэнцы. А здраднікаў накіроўваюць засвойваць пэрыфэрыю кудысьці на Урал.
Пераклад з расейскай. Крыніца: http://politkuhnya.info/novosti/predateli-iz-krymskogo-sbu-budut-osvaivat-zaurale.html