Крымскія татары не прэтэндуюць на Маскву, нягледзячы на тое, што для татараў яна мае сакральнае значэньне, заявіў лідэр крымскататарскага народу Мустафа Джэмілёў у інтэрв’ю эстонскаму “Радыё 4”.
Так ён пракамэнтаваў словы прэзыдэнта РФ Уладзіміра Пуціна пра “вялізнае цывілізацыйнае і сакральнае значэньне” Крыма для Расеі.
“Тое, што хрысьціўся князь Уладзімер, дык ён жа быў князем Уладзімерам Кіеўскім. Калі некалі нехта на нашай тэрыторыі хрысьціўся або яшчэ нешта рабіў, і на гэтым аснаваньні… Тады Масква таксама для крымскіх татараў вельмі сакральнае месца – Дэўлет Гірэй пасьля таго, як ён захапіў Маскву ў 1571 годзе, вывешваў там сваю пугу ў навучаньне іншым. Але ж мы не прэтэндуем на Маскву як на наша сакральнае месца”, — зазначыў Джэмілёў.
Ён дадаў, што “у палітыцы Расеі назіраецца моцны прымітывізм”.
“Але гэта для ўнутранага спажываньня. За мяжой над ім сьмяюцца”, — сказаў Джэмілёў.
У пасланьні да Фэдэральнага сходу РФ Пуцін назваў Крым “духоўнай крыніцай маналітнай, але шматаблічнай рускай нацыі”.
13.12.2014 Пераклад з расейскай. Крыніца: http://gordonua.com/news/crimea/Dzhemilev-Moskva-dlya-tatar-sakralnoe-mesto-tam-han-Girey-svoy-knut-vyveshival-55910.html