Расейскія войскі рыхтуюць атаку на Марыюпаль. Яны абстралялі зь мінамётаў блок-пастарунак у сяле Безыменнае і замацаваліся ў ім, паведамляе ТСН. 60 танкаў перафарбоўваюць у колеры “Наваросіі”.
Марыюпаль абараняюць 9-й батальён тэрытарыяльнай абароны, памежнікі, нацгвардзейцы, батальён “Дніпро-1”.
“Мы вымушаны ўвесь час мяняць пазыцыі, бо карэктыроўшчыкі наводзяць на нас агонь праціўніка. Мы толькі што затрымалі карэктыроўшчыка, які наводзіў на нас устаноўку “Град”, — цытуе партал аднаго з украінскіх байцоў.
Вайскоўцы не сумняваюцца ў тым, што супраць іх ваююць не “апалчэнцы”.
“Ідзе расейскае ўварваньне, гэта адназначна. Мы ўчора ў гэтым пераканаліся, калі ў Наваазоўск увайшлі расейскія танкі, з расейскімі сьцягамі і жаўнерамі”, — кажуць яны.
Байцы распавядаюць, што праз мяжу зайшло 50 танкаў.
У чацьвер, 28 жніўня, у Марыюпале Данецкай вобласьці прайшоў мітынг за адзінства Украіны, да 5 тысячаў чалавек. Актывісты трымалі ў руках сьцягі Украіны, а таксама плакаты з надпісамі “Наваросія – гэта дзе?”, “Хачу жыць ва Украіне”, “Пуцін, прэч!”.
Прарасейскія тэрарысты ўзялі пад кантроль Наваазоўск Данецкай вобласьці і шэраг населеных пунктаў Наваазоўскага, Старабешаўскага, Амвросіеўскага раёнаў на поўдні Данецкай вобласьці.
29.08.2014
Пераклад з расейскай.
Крыніца: http://gordonua.com/news/war/SMI-Rossiyskie-tanki-v-20-km-ot-Mariupolya-38705.html