Артылерыйскія і мінамётныя абстрэлы Луганска праводзяцца з боку тэрыторый, кантралюемых баевікамі так званай “Луганскай народнай рэспублікі”.
Пра гэта паведамляе мясцовае выданьне Informator.lg.ua са спасылкай на тэлефонныя паведамленьні мясцовых жыхароў.
Па дадзеных СМІ, інфармацыя пацьвярджаецца ў зафіксаваных на фота і відэа матэр’ялах.
Адзначаецца, што галоўнай прычынай абстрэлаў “зьяўляецца імкненьне павялічыць колькасьць ахвяраў менавіта сярод мірнага насельніцтва”, “І пры гэтым яны імкнуцца пераканаць мясцовае насельніцтва і сусьветную супольнасьць, што гэтыя ахвяры – наступства злачынных дзеяньняў украінскай улады, якая праводзіць АТА”, — гаворыцца ў матэр’яле.
Па інфармацыі выданьня, былі праведзеныя і рыхтуюцца да правядзеньня новыя правакацыі. “Тэрарысты ЛНР і ДНР сьвядома абстрэльваюць жылыя дамы і раёны населеных пунктаў. І гэтыя працэсы будуць набіраць абароты”, — піша выданьне.
17.07.2014
Пераклад з расейскай.